الماتى وبلىسىندا جوعالعان قىزدى تابۋعا كومەكتەسكەن ر. سەردالينوۆقا «اعا لەيتەنانت» اسكەري شەنى بەرىلدى - فوتو
ءىس- شارا بارىسىندا ۇلتتىق ۇلان «وڭتۇستىك» وڭىرلىك قولباسشىلىعىنىڭ قولباسشىسى، گەنەرال- مايور الىبەك سەراليەۆ جانە «وڭتۇستىك» وڭىرلىك قولباسشىلىعى ارداگەرلەر كەڭەسىنىڭ ءتوراعاسى، وتستاۆكاداعى پولكوۆنيك گەننادي فالەيەۆ قايسار دا وجەت ءىس-ارەكەتتەرىمەن قىزمەت بابىندا كوزگە ءتۇسىپ ەرەكشەلەنگەن اسكەري قىزمەتشىلەردى «قوعامدىق ءتارتىپتى ساقتاعانى ءۇشىن» جانە «باۋىرجان مومىش ۇلى - باتىر شاپاعاتى» كەۋدە بەلگىلەرىمەن ماراپاتتادى.
سونداي-اق، بۇگىنگى كەشتە الماتى وبلىسىنىڭ ىلە اۋدانىنداعى جەتىگەن كەنتىندە جوعالىپ كەتكەن 20 جاستاعى ايزادا اۆلاتاروۆانى تابۋعا ۇلكەن سەپتىگىن تيگىزگەن 5571 اسكەري ءبولىمىنىڭ وفيتسەرى، اسكەري جاساق باستىعى رۇستەم سەردالينوۆقا قازاقستان رەسپۋبليكاسىنىڭ ىشكى ىستەر ءمينيسترى قالمۇحانبەت قاسىموۆتىڭ بۇيرىعىمەن بەرىلگەن كەزەكتەن تىس «اعا لەيتەنانت» اسكەري شەنىن «وڭتۇستىك» وڭىرلىك قولباسشىلىعىنىڭ قولباسشىسى، گەنەرال- مايور الىبەك سەراليەۆ سالتاناتتى تۇردە تابىس ەتتى.
«مەن ءۇشىن باستى ماقسات - وتانىما قالتقىسىز ادال قىزمەت ەتۋ. ءوزىم وسى ۇلتتىق ۇلان قاتارىندا سارباز، ودان كەيىن كەلىسىم-شارت نەگىزىندە اسكەري قىزمەتشى بولا ءجۇرىپ، وفيتسەرلىك لاۋازىمعا دەيىن كوتەرىلدىم. مەن مۇنى، كومانديرلەر مەن باستىقتاردىڭ ماعان ۇلكەن سەنىم ارتۋى دەپ بىلەمىن. بۇگىن «وڭتۇستىك» وڭىرلىك قولباسشىلىعى قولباسشىسىنىڭ قولىنان كەزەكتەن تىس «اعا لەيتەنانت» اسكەري شەنىن الىپ تۇرمىن. بۇل مەن ءۇشىن ۇلكەن مارتەبە. ەندى، بۇدان كەيىن دە قىزمەتتىك- جاۋىنگەرلىك مىندەتتەرىمدى ابىرويمەن اتقارۋعا، ەل سەنىمىن اقتاۋعا ءسوز بەرەمىن» - دەدى رۇستەم سەردالينوۆ.
كەش سوڭىندا ۇزدىك اسكەري قىزمەتشىلەرگە ارنايى كونسەرتتىك باعدارلاما ۇيىمداستىرىلىپ، ءىس- شارا اۋەلەگەن ءان مەن اسەم بيگە ۇلاستى.
ا
ۆتور: جاپپاربەرگەن ايبوتا
