قازاقستان مەن قىتاي اۋىل شارۋاشىلىعى سالاسىنداعى بىرلەسكەن جوبالاردى جۇزەگە اسىرماق

بۇل تۋرالى بۇگىن ەكى ەلدىڭ اۋىل شارۋاشىلىعى سالاسىنداعى كومپانيالارى اراسىندا كەلىسىمشارتتارعا قول قويۋ كەزىندە بەلگىلى بولدى.

«COFCO كومپانياسى قىزاناق توماتى ءوندىرىسى جانە ونى قايتا وڭدەۋ سالاسىندا وتە تانىمال. بۇل كومپانيا قىزاناق جانە قىزىناق پاستاسىن وڭدەۋ سالاسىندا كەمىندە ءۇش زاۋىت سالۋدى بولجاپ وتىر. ال «Rifa» بولسا جەككە ينۆەستور، جوبا ءبىراز ۋاقىتتان بەرى تالقىلانۋ ۇستىندە. العاشقى كەزدەسۋ وتكەن جىلدىڭ مامىر ايىندا وتكەن بولاتىن. ول كەزدە ەت ونىمىنە قاتىستى جوبا تالقىلانعان بولاتىن. ونىمدەرىن قىتاي مەن اراب ەلدەرىنە ەكسپورتقا شىعارۋدى جوسپارلاۋدا»، - دەدى كەلىسىمشارتتارعا قول قويۋ راسىمىندە ەلىمىزدىڭ اۋىل شارۋاشىلىعى ءمينيسترى اسىلجان مامىتبەكوۆ.

قول قويۋ راسىمىنەن كەيىن ب ا ق وكىلدەرىنە تۇسىنىك بەرگەن اۋىل شارۋاشىلىعى ءمينيسترىنىڭ ورىنباسارى گۇلميرا يسايەۆانىڭ ايتۋىنشا، بۇگىندە ەكى ەل اراسىندا اۋىل شارۋاشىلىعى سالاسىنا قاتىستى 19 جوبا جۇزەگە اسىرىلۋ ۇستىندە.

«ينۆەستيتسيانىڭ جالپى كولەمى 1 ميلليارد 735 ميلليون دوللاردى قۇرايدى. ايتا كەتەرلىگى، بۇل جوبالاردىڭ ون ەكىسى شىعىس قازاقستان مەن الماتى وبلىستارىندا ورنالاسقان. ويتكەنى، بۇل وڭىرلەر لوگيكالىق تۇرعىدا بارىنشا وڭتايلى ورنالاسقان»، - دەدى ول.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى