ەكسترەميستىك توپتار جاستارعا نەگە قىزىعادى؟

ونىڭ ايتۋىنشا، ەكسترەميستىك توپتار ءوز قاتارىنا دال جاس بۋىندى كوبىرەك تارتۋعا تىرىسادى ەكەن. جانە بۇنىڭ سەبەبى - جاستاردىڭ اڭعالدىعىندا، ءبىلىمنىڭ ازدىعى مەن وتباسىنداعى پروبلەمالار، بوس ۋاقىتتىڭ كوپ بولۋى دەگەندى العا تارتتى ول.

«نەگىزگى سەبەپ، جاستار - قوعامنىڭ ەڭ بەلسەندى بولىگى. كەز كەلگەن جاستىڭ بويىندا ءالى كوپكە جەتەتىن كۇش قۋات بار، ولاردىڭ دەنساۋلىعى دا دۇرىس، ياعني، ەكسترەميستىك توپتار ءبىر جاستى ءوز قاتارىنا قوسسا، ول ادام بۇكىل كۇش- جىگەرىن سول ۇيىمعا «قىزمەت ەتۋگە» جۇمساي الاتىنىن جاقسى بىلەدى. ءتىپتى، ول بولاشاقتا ءۇرىم- بۇتاعىن تۇگەلدەي وسى ۇيىمعا تارتادى دەگەن تەرىس پيعىل بار. ياعني، ەكسترەميستىك توپتار جاستاردى ءوز ۇيىمىنىڭ «بولاشاعى» رەتىندە كورەدى»، - دەيدى ساراپشى.

يۋليا دەنيسەنكو حابارلاعانداي، ءوز جەتەكشىلىك ەتىپ وتىرعان قاۋىمداستىق بۇل پروبلەمانىڭ الدىن الاتىن جوبا ازىرلەۋدە. جوبا ءالى ازىرلەنىپ جاتىر، دەگەنمەن، ونىڭ اياسىندا شامامەن 50 جاس دايىندالىپ، ءوز قاتارلاستارىنا ەكسترەميستىك توپتاردان قالاي ساقتانۋدىڭ، ولاردىڭ سيپاتىن انىقتاۋدىڭ جولدارىن ۇيرەتەدى.

ايتا كەتەيىك، بۇگىن استانا قالاسى بويىنشا قازاقستان حالقى اسسامبلەياسىنىڭ حاتشىلىعى مەن استانا قالاسى اكىمدىگىنىڭ جانىنداعى «قوعامدىق كەلىسىم» ۇيىمى بىرلەسە وتىرىپ «قازاقستان-2050» ستراتەگياسىن جۇزەگە اسىرۋ اياسىندا جاستاردى رۋحاني تاربيەلەۋ ماسەلەلەرى» جونىندە دوڭگەلەك ۇستەل وتكىزگەن.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى