ۇستازدار تۋرالى قاناتتى سوزدەر

اقىرىن ءجۇرىپ، انىق باس،

ەڭبەگىڭ كەتپەس دالاعا.

ۇستازدىق قىلعان جالىقپاس،

ۇيرەتۋدەن بالاعا.

    اباي قۇنانباي ۇلى

ناشار ۇستاز شىندىقتى قايتالايدى، جاقسى ۇستاز سول شىندىقتى ىزدەپ، تابۋعا ۇيرەتەدى.

ادولف ديستەرۆەگ

...تۇسىنگەندىكتىڭ شىن بەلگىسى- «ءيا» دەگەن جاۋاپ ەمەس، شاكىرتتىڭ جۇزىندەگى قۋانىش بولىپ تابىلادى.

ابۋ-ل-فارادج ال- يسفاحاني.

ۇستاز ىزدەنگىش بولۋى، ويلاي ءبىلۋى، قانداي ءىستى بولسىن، بار ىنتاسىمەن اتقارا ءبىلۋى كەرەك

ۆ. ماياكوۆسكي.

ۇستاز بولۋ، ياعني جاقسى وقىتۋشى بولۋ ءۇشىن، وقىتاتىنىڭدى دا ءسۇيۋىڭ كەرەك.

ۆ. و. كليۋچەۆسكي.

مەن ءۇشىن جاقسى مۇعالىم بارىنەن دە ارتىق، ويتكەنى مۇعالىم- مەكتەپتىڭ جۇرەگى

ى. التىنسارين

ادامنىڭ ادامگەرشىلىگى جاقسى ۇستازدان بولادى

اباي قۇنانباي ۇلى

مۇعالىم- زور تۇلعا، ول كۇننىڭ قۇدىرەتتى ساۋلەسى ىسپەتتى.

ك. د. ۋشينسكي

مەن ءوزىمنىڭ ۇستازىما اكەمنەن كەم قارىزدار ەمەسپىن: اكەمنەن ءومىر السام، ال اريستوتەلدەن ءومىرىمدى جاقسى وتكىزۋ تۋرالى ءبىلىم الدىم.

الەكساندر ماكەدونسكي

ۇستازى جاقسىنىڭ ۇستامى جاقسى

حالىق دانالىعى

ۇستازىڭدى اتاڭنان دا ءازىز تۇت

حالىق دانالىعى

مۇعالىم ءىسى سىرتتاي قاراپايىم بولعانمەن - تاريحتاعى ەڭ ۇلى ءىستىڭ ءبىرى

ك. د. ۋشينسكيي

كىمدە- كىم حالقىنان الماسا ءتالىم،

ونى ۇيرەتە الماس ەشبىر مۇعالىم.

ج. بالاساعۇن

باسقالاردى ۇيرەتە ءجۇرىپ ءبىز ءوزىمىز ۇيرەنەمىز.

سەنەكا

ۇستاز... جاراتىلىسىنان وزىنە ايتىلعاننىڭ ءبارىن جەتە تۇسىنگەن، كورگەن، ەستىگەن جانە اڭعارعان نارسەلەردىڭ ءبارىن جادىندا جاقسى ساقتايتىن، ەشنارسەنى ۇمىتپايتىن... العىر دا اڭعارىمپاز اقىل يەسى...، مەيلىنشە شەشەن، ونەر- بىلىمگە قۇشتار، اسا قاناعاتشىل جانى اسقاق جانە ار- نامىسىن ارداقتايتىن، جاقىندارىنا دا، جات ادامدارىنا دا ءادىل...، جۇرتتىڭ بارىنە... جاقسىلىق پەن ىزگىلىك كورسەتىپ...قورقىنىش پەن جاسقانۋ دەگەندى بىلمەيتىن باتىل، ەرجۇرەك بولۋى كەرەك.

ءال- فارابي

ماعان جاقسى مۇعالىم بارىنەن دە قىمبات، ويتكەنى مۇعالىم - مەكتەپتىڭ جۇرەگى.

ىبىراي التىنسارين

ادامنىڭ ادامشىلدىعى... جاقسى ۇستازدان بولادى.

اباي قۇنانبايەۆ

مۇعالىمنىڭ ۇدايى جاقسى وقيتىن بالالارعا عانا ءسۇيسىنىپ، ىلعي سولاردى عانا وقىتۋى دۇرىس ەمەس.

مۇحتار اۋەزوۆ

وقۋشى جاستاردىڭ ەڭ سەنىمدى ۇستازى، سىر جاسىرماي اشىق ايتاتىن ادامى - مۇعالىم.

عابيت مۇسىرەپوۆ

مۇعالىم ءوزىنىڭ بىلىمدىلىگىمەن، ءجۇرىس- تۇرىسىمەن، جايدارى مىنەزىمەن، ءتىپتى سىرت ءپىشىنى، كيگەن كيىمىمەن دە وقۋشىسىنا جاقسى ماعىنادا قاتتى اسەر ەتەدى. مالىك عابدۋللين

ۇستاز دەگەن ۇلاعاتتى اتاۋدى ەستىگەندە، كۇنى بۇگىنگە دەيىن ءوزىمدى شاكىرتتەي سەزىنەمىن.

سەركە قوجامقۇلوۆ

وقىتۋشى الەۋمەتتىك ادىلەتتىلىكتىڭ، ادامگەرشىلىكتىڭ جارشىسى بولۋعا ءتيىس.

سپانديار كوبەيەۆ

ەگەر مۇعالىم ءوز بويىنا ءىس پەن شاكىرتتەرىنە دەگەن سۇيىسپەنشىلىكتى بىرىكتىرگەن بولسا، ول - كەمەل ۇستاز.

ك. د. ۋشينسكي

شاكىرتى جوق ۇستاز - مىلقاۋ ۇستاز.

ىبىراي جاقايەۆ

ەگەر مۇعالىم ءون بويىنا، ءوز ىسىنە، شاكىرتىنە دەگەن سۇيىسپەنشىلىكتى جيناقتاسا، ول - ناعىز ۇستاز.

ل. ن. تولستوي

مەكتەپتىڭ جانى - مۇعالىم. مۇعالىم قانداي بولسا، مەكتەپ سونداي بولماقشى. ياعني، مۇعالىم ءبىلىمدى بولسا، ول مەكتەپتەن بالالار كوبىرەك ءبىلىم الىپ شىقپاقشى. سولاي بولعان سوڭ، ەڭ اۋەلى مەكتەپكە كەرەگى - ءبىلىمدى، پەداگوگيكا، مەتوديكادان حاباردار، جاقسى وقىتا بىلەتىن مۇعالىم.

احمەت بايتۇرسىنوۆ

قازاقتىڭ تاعدىرى، كەلەشەكتە ەل بولۋى دا مەكتەبىنىڭ قانداي نەگىزدە قۇرىلۋىنا بارىپ تىرەلەدى. مەكتەبىمىزدى تازا، بەرىك ءھام ءوز جانىمىزعا /قازاق جانىنا/ ۇيلەسەتىن نەگىزدە قۇرا بىلسەك، كەلەشەگىمىز ءۇشىن تايىنباي- اق سەرتتەسۋگە بولادى.

ماعجان جۇمابايەۆ

ۇستاز بولۋ - ءوز ۋاقىتىن اياماۋ، وزگەنىڭ باقىتىن ايالاۋ.

ج. ج. رۋسسو

ۇستاز - ۇلى ەسىم.

م. اۋەزوۆ

مۇعالىم ءوزىنىڭ ءبىلىمىن ۇزدىكسىز كوتەرىپ وتىرعاندا عانا مۇعالىم، وقۋدى، ىزدەنۋدى توقتاتىسىمەن ونىڭ مۇعالىمدىگى دە جويىلادى.

ك. د. ۋشينسكي

مۇعالىمدىك ماماندىق - بۇل ادامتانۋ، ادامنىڭ كۇردەلى جانە قىزىقتى، شىم- شىتىرىعى مول رۋحاني جان دۇنيەسىنە ۇڭىلە ءبىلۋ. پەداگوگيكالىق شەبەرلىك پەن پەداگوگيكالىق ونەر - ول دانالىقتى جۇرەكتەن ۇعا ءبىلۋ بولىپ تابىلادى

ۆ. ا. سۋحوملينسكي

ەگەر بالالار بىردەمەنى تۇسىنبەيتىن بولسا، وندا وقىتۋشى ولاردى كىنالاۋعا ءتيىستى ەمەس، ولارعا تۇسىندىرە الماي وتىرعان ءوزىن كىنالاۋعا ءتيىس.

ى. التىنسارين

جاي مۇعالىم حابارلايدى،

جاقسى مۇعالىم تۇسىندىرەدى،

كەرەمەت مۇعالىم كورسەتەدى.

ۇلى مۇعالىم شابىتتاندىرادى. ۋيليام ۋورد، اعىلشىن اعارتۋشىسى.

داڭق پەن ابىروي كەنەلۋىمدە مەن ءبىر ادامعا قارىزدارمىن ول- ۇستازىم اريستوتەل.

الەكساندر ماكەدونسكي

ۇستاز- ۇلىق ەمەس، ۇلى قىزمەت.

باۋىرجان مومىش ۇلى

مەكتەپ- كەمە، ءبىلىم تەڭىز

قاسىم امانجولوۆ

مەكتەپتى سىيلاعاندىقتان، ماماندىعىن جان- تانىمەن سۇيگەندىكتەن مۇعالىم ەڭ الدىمەن ءوزىنىڭ ينتەلەكتىسىن كوتەرۋى كەرەك، دۇنيەگە دەگەن كوزقاراستارىن بيىكتەتۋى كەرەك.

ءابدىلدا تاجىبايەۆ

مۇعالىم دەگەن ات- قاسيەتتى ات. مۇعالىم دەگەن اتتان تازا ەڭبەكتى سۇيەتىن ماماندىق يەسى دەگەن ءسوزدى ۇعىنادى. ەلدىڭ ناداندىعىمەن الىساتىن ادام مۇعالىم.

ءسابيت مۇقانوۆ

حالىق - ناعىز ۇستاز.

حالىق دانالىعى

ءىلىم ۇيرەنىپ، ودان سوڭ ونى باسقالارعا ۇيرەتپەۋ- مول دۇنيە جيىپ، ونى كەرەگىنە جاراتپاي، كومىپ قويعانمەن بىردەي.

مۇحامبەت پايعامبار.

ءبىلىمدى ءبىر ساۋىتتان ەكىنشى ساۋىتقا قۇيعانداي بىرەۋدىڭ دىلىنەن ەكىنشى بىرەۋدىڭ دىلىنە قوتارا سالۋعا بولمايدى.

پلاتون

ەشتەڭەنى بىلمەيتىن، ەشتەڭەنى بىلۋگە تالپىنبايتىن ادامنىڭ جاعدايى قيىن. ويتكەنى ونىڭ بويىندا ەكى كەسەل بار: ءبىرى- توپاستىق، ەكىنشىسى- جالقاۋلىق.

پلاتون

ۇستاز تالانتتى بولسا،

شاكىرتى تالاپتى بولادى.

حالىق دانالىعى

مەن بارلىق ۇستازدارعا بىلاي عيبرات ەتەمىن: بالالارداعى بىلىمگە دەگەن تالاپ، ىنتا، قۇشتارلىق وتىن ءسوندىرىپ الماڭدار. ەڭبەك قۋانىشى ەڭبەككەر ادامنىڭ ماقتانىش سەزىمىن وسى وتتىڭ تۇتانار بىردەن- ءبىر كوزى.

ۆ. ا. سۋحوملينسكي

مۇعالىم- زور تۇلعا، ول كۇننىڭ قۇدىرەتتى ساۋلەسى سياقتى.

ك. د. ۋشينسكي

مۇعالىم ءوز ىسىنە دەگەن سۇيىسپەنشىلىكتى وقۋشىعا دەگەن سۇيىسپەنشىلىكپەن ۇشتاستىرا العاندا عانا شىن مانىندەگى مۇعالىم بولماق.

ل. ن. تولستوي

ءوزىڭدى قاراپايىم جىلى لەبىزىڭمەن سىيلاتا بىلمەسەڭ، قۇر قاتالدىقتان تۇك تە شىقپايدى.

ا. پ. چەحوۆ

قايراتسىز اشۋ- تۇل،

تۇرلاۋسىز عاشىق- تۇل.

شاكىرتسىز عالىم- تۇل

اباي

مۇعالىمگە ءسوز ءوز ويىن ساپىرىلىستىرىپ ايتۋ ءۇشىن بەرىلمەيدى، باسقانىڭ ويىنا قوزعاۋ سالۋ ءۇشىن بەرىلەدى.

ۆ. و. كليۋچەۆسكي

ءوزىنىڭ اقىل- ويىن ارتىقشا باعالايتىن ادامدى ۇيرەتكىسى كەلەتىن كىسى ۋاقىتتى بوسقا شىعىندايدى.

دەموكريت

تاربيەلەۋدە مۇعالىمنىڭ ءوزىنىڭ نە ءبىلىپ، نە ىستەيتىنى ماڭىزدىراق. ءبىراق ونىڭ ىقپالىمەن شاكىرتتەرىنىڭ نە ءبىلىپ، نە ىستەيتىنى ونان دا ماڭىزدىراق. مۇعالىمدەر، مىنە، وسىنىسىمەن باعالانادى.

سيسەرون

شاكىرت بولىپ كورمەگەن، ۇستاز بولىپ جارىتپاس.

بوەتسي

ءوزىنىڭ ۇستازىنان اسىپ تۇسۋگە تالپىنباعان شاكىرت- بەيشارا.

لەوناردو دا ۆينچي

تاربيەشىگە ۇيرەتكەننەن بۇيرىق بەرۋ الدەقايدا جەڭىل.

د. لوكك

باسقانى ۇيرەتكەن كىسى قايتالاۋ ارقىلى مەڭگەرگەن بىلىمدەرىن نىعايتۋمەن عانا ەمەس، پانگە ۇڭىلۋگە مۇمكىندىك الۋمەن دە ءوزىن- ءوزى ۇيرەتەدى. سوندىقتان دا اسقان دارىندى يوحيم فورتسيي ءوزى جايىندا: -نە ەستىپ، نە وقىسام دا، سونىڭ ءبارى ءتىپتى ءبىر ايدىڭ ىشىندە- اق ويىمنان شىعىپ كەتەدى، ال باسقالارعا ۇيرەتكەنىمدى ءوزىمنىڭ بەس ساۋساعىمداي سونشالىق ايقىن بىلەمىن، - دەيدى ەكەن. سوندىقتان ول زور تابىستارعا جەتۋ ءۇشىن شاكىرتتەرىنە وزدەرىنە شاكىرتتەر تاۋىپ، ولارعا كۇن سايىن وزدەرى ۇيرەنىپ جاتقان نارسەلەرىن ۇيرەتىپ وتىرۋدى كەڭەس قىلادى.

يان اموس كومەنسكي

جاقسى ۇستازعا قانداي قاسيەتتەر تىلەۋگە ءتيىسپىز؟ ءوزىنىڭ وقىتاتىن ءپانىن تەرەڭ ءبىلۋدى، ادال دا سەزىمتال جان دۇنيەسى بولۋىن...

د. ديدرو

انا ءسۇتىن دەنە ءۇشىن تابيعات ازىرلەيدى، رۋح ءۇشىن ونى ءبىزدىڭ مۇعالىمدەرىمىز ازىرلەيدى.

گ. ليحتەنبەرگ

ىسكە دەگەن سۇيىسپەنشىلىگى بار مۇعالىم جاقسى مۇعالىم بولادى. ەگەر مۇعالىم شاكىرتىن اكەسىندەي، شەشەسىندەي سۇيەتىن بولسا، ول بارلىق كىتاپتاردى وقىعان، ءبىراق ىسكە دە، شاكىرتتەرىنە دە سۇيىسپەنشىلىگى جوق مۇعالىمنەن ءتاۋىر بولماق. ەگەر مۇعالىم ءوز بويىندا ءىس پەن شاكىرتتەرىنە دەگەن سۇيىسپەنشىلىكتى بىرىكتىرگەن بولسا، ول- كەمەل ۇستاز.

ل. ن. تولستوي

مۇعالىمنىڭ بۇكىل ماقتانىشى- شاكىرتتەرىندە، ءوزى شاشقان ۇرىقتارىنىڭ ءوسىپ- ونۋىندە.

د. ي. مەندەلەيەۆ

مۇعالىمنىڭ ەڭ جاۋاپتى مىندەت ورىندايدى- ول ادامدى قالىپتاستىرادى.

م. ي. كالينين

ەگەر مۇعالىم وتە بەدەلدى بولسا، وندا بۇل مۇعالىمنىڭ اسەرىنىڭ ىزدەرى كەيبىر ادامداردىڭ بويىندا بۇكىل ءومىر بويى قالىپ قويادى. مىنە، سوندىقتان مۇعالىمنىڭ وزىنە قۇنتتى بولۋى، ءوزىنىڭ مىنەزى- قۇلقى مەن ءىس- ارەكەتتەرى، دۇنيە جۇزىندەگى بىردە- ءبىر ادامدا بولمايتىنداي، ەڭ كۇشتى باقىلاۋدا بولاتىنىن سەزىنۋى وتە ماڭىزدى.

م. ي. كالينين

ءوزىنىڭ شاكىرتتەرىنە ەڭبەكتەن قۋانىش تابۋ قابىلەتىن دارىتا الاتىن مۇعالىم زور داڭقا بولەنۋگە ءتيىس.

ە. حاببارد

جاقسى مۇعالىمدەر جاقسى وقۋشىلاردى جاسايدى.

م. ۆ. وستروگرادسكي

مۇعالىمگە سەنىم بىلدىرمەسە، وقۋ يگى جەمىس بەرە المايدى.

د. ي. مەندەلەيەۆ

مەن ءبىزدىڭ جاستارىمىزدىڭ ەجەلگى زامان فيلوسوفتارىن وقۋىن قالار ەدىم. مۇنان ولار شاكىرتتەردىڭ ۇستازدارىنا قانداي ىلتيپاتپەن جانە قۇرمەتپەن قاراعانىن كورەر ەدى

م. ي. كالينين

باسقالاردى ۇيرەتە وتىرىپ، ءبىزدىڭ ءوزىمىز دە ۇيرەنەمىز.

سەنەكا

پەداگوگ- جاڭا ۇرپاققا عاسىرلار بويى جيناقتالعان بارلىق باعالى دۇنيەلەردى بەرىپ، جالعان سەنىمدەردى، كىناراتتار مەن كەسەلدەردى بەرمەۋگە ءتيىستى ادام.

ا. ۆ. لۋناچارسكي

تاربيەلەۋشىنىڭ ءوزى- اقىلدىڭ، ۇلكەن ۇستامدىلىقتىڭ، مەيىرىمدىلىكتىڭ، بيىك ادامگەرشىلىك كوزقاراستىڭ يەسى بولۋعا ءتيىس.

م. پ. دراگومانوۆ

مۇعالىم، ەگەر ول ادال بولسا، ءارقاشان زەيىندى شاكىرت تە بولۋعا ءتيىس.

م. گوركي

ۇيرەنبەيتىن نەمەسە از ۇيرەنەتىن مۇعالىم- جامان مۇعالىم.

م. گوركي

عىلىمدى كۇشتى مەڭگەرگەن جانە ونى سۇيەتىن مۇعالىم عانا ءوز شاكىرتتەرىنىڭ بارىنە جەمىستى ىقپال جاسايتىن بولادى.

د. ي. مەندەلەيەۆ

ازىرلەگەن بەيسەن سۇلتان ۇلى 

blogtime.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى