ا ق ش- تا ايەلىن كوشەگە جالاڭاش قۋعان جىگىتتىڭ ۇستىنەن ءىس قوزعالدى
بۇل تۋرالى راس. ك ز حابارلايدى.
جۇما، 22 -قاڭتار كۇنى مانحەتتەن سوتىندا وتكەن تىڭداۋ بارىسىندا 24 جاستاعى مەلونىڭ 22 جاستاعى ازاماتتىق نەكەدەگى ايەلىنىڭ ينتەرنەتتە باسقا ەركەكتەرمەن بايلانىس جاساسىپ، ءبىر-بىرلەرىمەن ينتيمدىك سيپاتتاعى سۋرەتتەرىن الماسقاندارى بەلگىلى بولدى.
بۇعان قاتتى اشۋ شاقىرعان كۇيەۋى جەڭىلتەك ايەلىن جازالاۋعا شەشىم قابىلداعان. ءوزىنىڭ ايتۋىنشا، ازاماتتىق كۇيەۋى ءجابىر كورۋشىنى (اتى اتالىپ وتىرعان جوق) ەكى جاسار قىزىنىڭ كوزىنشە ۇرعان، سوسىن شەشىنۋدى بۇيىرىپ، سول قالپىندا كوشەگە الىپ شىققان.
سوتتا مەلوعا باسقا ادامنىڭ دەنساۋلىعىنا زالال كەلتىرەتىن ارەكەت جاسادى، كىشكەنتاي قىزدى ۇيدە قاراۋسىز قالدىرىپ كەتتى، دەگەن ايىپ تاعىلدى. وسىدان سوڭ گارلەم تۇرعىنى ىستەگەن ىسىنە وكىنىش ءبىلدىرىپ، كەشىرىم سۇرادى، ءوزىنىڭ «جۇرت ويلاپ جۇرگەندەي، جامان ادام ەمەس» ەكەنىن دالەلدەپ باقتى.
الايدا، سوتتىڭ قانداي شەشىم قابىلداعانى ازىرگە بەلگىسىز.
