نارىمبەتوۆتىڭ «امانات» فيلمى «وسكار» كينوسىيلىعىنا ۇسىنىلادى
فيلمنىڭ رەجيسسەرى - ساتىبالدى نارىمبەتوۆ.
قازىر «اماناتتى» امەريكالىق كينوسىيلىققا ۇسىنۋ ءۇشىن اعىلشىن تىلىنە اۋدارۋ جۇمىستارى ءجۇرىپ جاتىر. بۇل فيلم - تاريحشى ەرمۇحان بەكماحانوۆ تۋرالى. ول قازاقتىڭ سوڭعى حانى ⅩⅨ عاسىردا قازاق حاندىعىن وتارشىلداردان ازات ەتۋ ءۇشىن ۇلت-ازاتتىق كۇرەسكە باسشىلىق جاساعان كەنەسارى قاسىم ۇلىن زەرتتەگەن عالىم. وسى زەرتتەۋىنىڭ ناتيجەسىندە ول «قازاقستان ⅩⅨ عاسىردىڭ 20-40- جىلدارىندا» دەگەن ەڭبەگىن جازىپ، قازاقستاندا العاش رەت تاريح عىلىمدارىنىڭ دوكتورى اتاعىن قورعاعان بولاتىن.
«اماناتتىڭ» تۇساۋكەسەرى بىلتىر ساياسي قۋعىن-سۇرگىنگە ۇشىراعان ادامداردى ەسكە الۋ كۇنى ءوتتى. فيلم رەسمي تۇردە كوكتەمدە پروكاتقا شىعادى. ال ناۋرىز ايىندا ول امەريكالىق كينوپرەمياعا ۇسىنىلادى.
