اقپاندا تەگەراندا قازاقستاندىق-يراندىق بيزنەس-فورۋم وتەدى

بۇل تۋرالى ق ر ينۆەستيتسيالار جانە دامۋ مينيسترلىگىنىڭ باسپا ءسوز قىزمەتى حابارلادى.

6-8- اقپان ارالىعىندا ق ر ينۆەستيتسيالار جانە دامۋ ءمينيسترى اسەت يسەكەشەۆ باستاعان قازاقستاندىق دەلەگاتسيا جۇمىس ساپارىمەن تەگەرانعا (يران) بارادى دەپ جوسپارلانىپ وتىر.

قازاقستاندىق ونىمدەردى يران نارىعىنا (مەتالل ونىمدەرى، قۇرىلىس ماتەريالدارى، جەنتەك، استىق جانە ت. ب.) ەكسپورتتاۋ سالاسىنداعى ىنتىماقتاستىقتى دامىتۋعا ەرەكشە كوڭىل بولىنەدى. وسىعان بايلانىستى «ساۋدا ميسسياسى» وتكىزىلەدى (ساتۋشىلار مەن تۇتىنۋشىلاردىڭ كەزدەسۋى).

ساپار اياسىندا «بايتەرەك» ۇ ب ح مەن «KAZNEXINVEST» ەكسپورت جانە ينۆەستيتسيا جونىندەگى ۇلتتىق اگەنتتىكتىڭ ۇيىمداستىرۋىمەن قازاقستان-يران بيزنەس-فورۋمى وتەدى. فورۋمدا ينفراقۇرىلىمدىق، ونەركاسىپتىك جوبالار بويىنشا ىنتىماقتاستىقتى دامىتۋ، سونىمەن بىرگە بىرلەسكەن جوبالاردى جۇزەگە اسىرۋ ماسەلەلەرى تالقىلانادى. يراندا قازاقستاننىڭ ينۆەستيتسيالىق مۇمكىندىكتەرى جانە شەتەلدىك ينۆەستورلاردى مەملەكەتتىك قولداۋ شارالارىنىڭ تۇساۋكەسەرى وتەدى. بيزنەس-فورۋمعا قازاقستاننىڭ 40 تان استام ءىرى كاسىپورىندارىنىڭ جانە يراننىڭ 150 ءىرى كورپوراتسياسىنىڭ وكىلدەرى قاتىسادى.

ق ر ينۆەستيتسيالار جانە دامۋ ءمينيسترى ءا. يسەكەشەۆتىڭ ساپار اياسىندا يراننىڭ رەسمي تۇلعالارىمەن، سونىڭ ىشىندە كولىك جانە اۋىل شارۋاشىلىعى مينيسترلەرىمەن، سونىمەن بىرگە ىسكەر توپ وكىلدەرىمەن كەزدەسۋى جوسپارلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى