ە و ب باسشىسىنىڭ مالىمدەمەسىنەن كەيىن مۇناي باعاسى وسە باستادى
بۇل مۇناي نارىعىندا مۇنايدىڭ مولشەردەن تىس بولۋى اياسىندا سۇرانىستى ارتتىرۋعا جاردەمدەسەدى.
ماسكەۋ ۋاقىتىمەن 07:19 داعى جاعداي بويىنشا Brent ماركالى سولتۇستىك تەڭىزدىك مۇناي قوسپاسىنا ناۋرىزدىق فيۋچەرستەر قۇنى 1.08 پايىزعا، باررەلىنە 33.20 دوللارعا دەيىن كوتەرىلدى. WTI ماركالى مۇنايعا ناۋرىزدىق فيۋچەرستەر قۇنى 0.71 پايىزعا - باررەلىنە 32.42 دوللارعا ۇلعايدى، دەپ جازادى ر ي ا نوۆوستي.
وتكەن اپتادا كەزەكتى وتىرىس ناتيجەسى بويىنشا ە و ب باسشىسى ماريو دراگي رەتتەۋشى ناۋرىزداعى وتىرىستا ءوزىنىڭ اقشالاي-كرەديتتىك ساياساتىن وزگەرتۋگە شەشىم قابىلدايتىنى تۋرالى مالىمدەگەن.
بۇل ەۋروايماقتاعى ءالسىز ينفلياتسيا دەرەكتەرىنە بايلانىستى. ونىڭ ايتۋىنشا، ە و ب- تىڭ ارەكەت ەتۋگە «بيلىگى، شەشىمى، ازىرلىگى» بار. وسىنىڭ اياسىندا ينۆەستورلار اراسىندا بەيسەنبى كۇنى، 28- قاڭتاردا وتەتىن وتىرىستا جاپونيا بانكى ەكونوميكانى قولداۋ بويىنشا قوسىمشا شارالار قابىلداۋى مۇمكىن.
