ايتىسكەر رينات زايىتوۆ «وردا» توبىن قىلمىسكەرلەر دەپ اتادى - كەسكىن
ايتىسكەر اقىن سوڭعى جىلدارى وعان «جوعارعى جاقتان» بىرەۋدىڭ ايتىسقا شىعۋىنا كەدەرگى كەلتىرىپ جۇرگەنىن تىلگە تيەك ەتتى.
«ايتىسقا شاقىرسا - بارىپ قاتىسامىن، ءبىراق كوپ جاعدايدا مەنىڭ قاتىسۋىمدى قالامايتىندار بار كورىنەدى» - دەيدى اقىن. ءجۇرسىن ەرمانمەن ب ا ق بەتتەرىندە ءبىرشاما داۋلاسقانىمەن، قازىرگى تاڭدا جاقسى قارىم-قاتىناستا ەكەنىن ايتىپ، ءبىراز وسەك-اياڭنىڭ تۇبىنە نۇكتە قويعانداي بولدى.
اڭگىمەنىڭ لەگى كوبىنە ونىڭ سوڭعى كەزدەرى قازاق ەسترادا جۇلدىزدارىنىڭ اندەرىنە ءسوز جازۋى توڭىرەگىندە ءوربىدى. ايتىسكەر اقىن ەستراداداعى انشىلەردى «قازاقي جانە قازاقي ەمەس» دەپ قاراستىراتىنىن ايتتى. سونىمەن قاتار كەيبىرىنەن ءتىپتى جيىركەنەتىنىن جاسىرمادى.
وعان اسىرەسە «وردا» توبىنىڭ سوليسى ەربولات بەدەلحاننىڭ باستاۋىمەن قۇرىلعان توپتىڭ («Ninety One» - اۆت.) شاشتارىن بوياپ، سىرعا تاعىپ جۇرەتىنى مۇلدە ۇنامايدى ەكەن.
ول ءتىپتى ولاردان قورقاتىن كورىنەدى. «ولاردى تەلەديداردان كورسەتىپ وتىرعان ادام دا - قىلمىسكەر، ولاردى شىعارىپ وتىرعان ادام دا - قىلمىسكەر، ولارعا ءان جازىپ وتىرعاندار دا - قىلمىسكەر. ولاردىڭ وزدەرى دە ۇلكەن قىلمىسكەرلەر!» - دەدى اقىن. «زامان دەگەنىمەن، ءار ۇلتتىڭ ءوز بولمىسى بار، وزىنە ءتان اندەرى بار» - دەپ ءسوزىن جالعادى ايتىسكەر.
