بياتلون: قازاقستان قۇراماسى ايەلدەر ەستافەتاسىندا سەگىزىنشى ورىنعا ىلىكتى

ەستافەتاعا ءار قۇرامادان ءتورت سپورتشىدان قاتىسىپ، ءارقايسىسى 6 شاقىرىمعا جۇگىرۋمەن بىرگە نىسانا كوزدەۋدە دە بارىنشا ءمۇلت كەتپەۋى ءتيىس. بۇل جارىستا فرانسيا قۇراماسى جەڭىمپاز اتانسا، چەحيالىقتار ەكىنشى، رەسەيلىك قىزدار ءۇشىنشى ورىنعا كوتەرىلدى. قۇرامىندا الينا رايكوۆا، گالينا ۆيشنيەۆسكايا، داريا ۋسانوۆا، اننا كيستانوۆا بار قازاقستاندىقتار مارەگە سەگىزىنشى بولىپ كەلدى. وسىعان دەيىن ۇزدىك وندىقتىڭ قاتارىنان كورىنە الماي جۇرگەن قازاقستاندىق بياتلونشىلار ءۇشىن بۇل جاقسى ناتيجە دەۋگە بولادى.

بۇگىن ەرلەر اراسىندا دا ەستافەتادان جارىس وتەدى.

ەسكە سالا كەتەيىك، وسىعان دەيىن 14- قاڭتاردا قازاقستاننىڭ جاس بياتلونشىسى گالينا ۆيشنيەۆسكايا گەرمانيانىڭ رۋپولدينگ قالاسىندا وتكەن الەم كۋبوگى كەزەڭىندە 15 شاقىرىم قاشىقتىقتا 15- ورىندى يەلەنىپ، ءبىر قۋانتقان بولاتىن. جالپى، ەرلەرگە قاراعاندا، قازاقستاندىق قىزدار وسىلايشا كوزگە ءتۇسىپ ۇلگەرۋدە.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى