ءانشى اسەل قارسىبايەۆا شەتەل جۇلدىزدارىنىڭ ءانىن دومبىراعا سالىپ ورىنداۋىمەن اتى شىقتى

بۇل تۋرالى ەكسپرەسس ك باسىلىمى حابارلايدى.

اسەلدىڭ رەپەرتۋارى ءارتۇرلى جانرداعى اندەرمەن تولىققان: لاۋندج، دجاز، پوپ-مۋزىكا. ال ونىڭ بىردەن ءبىر وتكىر مۋزىكالىق ورىنداۋى ينتەرنەتتىڭ حيتىنا اينالعان ەدى.

«مەن ءبىر جولى قوناققا بارعانىمدا ادەتتەگىدەن كوڭىلدى وتىردىم. سول كەزدە دومبىرامەن Rolling in the deep اتالاتىن ادەلدىڭ ءانىن ورىندادىم. مەنى سول كەزدە ۆيدەوعا ءتۇسىرىپ، ينتەرنەتكە تاراتىپ جىبەرىپتى»، - دەيدى اسەل.

كەلەسى كۇنى اسەل جۇلدىز بولىپ ويانادى. «سۋپەرستار.kz» جانە «X- فاكتور» سەكىلدى ءبىرقاتار جوبالارعا قاتىسقانىنا قاراماستان، ونى وسىناۋ دومبىرامەن ورىندالعان شەتەلدىك اندەرى تانىمال ەتىپ جىبەرگەن.

«تەلەجوبالارعا قاتىسۋ كوپ بولسا جارتى جىلعا دەيىن تانىمالدىلىق بەرەدى. سوسىن بەلسەندى قولداۋ بولماسا قايتادان كورىنبەي قالاسىڭ. ال مەنى قازىر ءانشى رەتىندە كوپشىلىك تانيدى. باتىسشا اندەردى دومبىرامەن ورىندايتىنىمدى بىلەدى»، - دەيدى ول.

اسەلدىڭ داۋىسى ەرەكشە ءارى شىعارماشىلىق فانتازياسى دا كەڭ. ونىڭ وسىنداي ارتىقشىلىقتارى پروديۋسەرسىز-اق جۇمىس ىستەۋگە ۇيرەتتى.

«ارينە، مىقتى كاسىبي مامانمەن بىرگە جۇمىس جاساۋعا قارسى بولماس ەدىم. دەسە دە ءوزىم بىرەۋگە بارىپ كومەك سۇراعىم كەلمەيدى»، - دەيدى جاس ءانشى.

Stan.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى