فۋتبول: ورالدىڭ «اقجايىعىنا» جاڭا ويىنشىلار قابىلداندى

«اقجايىق» فۋتبول كلۋبىنىڭ باسپا ءسوز قىزمەتىنەن الىنعان مالىمەتكە قاراعاندا، ورالدىق كوماندا سول جيىن كەزىندە ءۇش جولداستىق كەزدەسۋ وتكىزىپ، ۇمىتكەرلەردى قاراپ كوردى.

سولاردىڭ ىشىنەن ءۇش فۋتبولشىمەن، اتاپ ايتقاندا، سەربيالىق جارتىلاي قورعاۋشى پرەدراگ گوۆەداريتسا، «تارازدان» كەلگەن تاعى ءبىر جارتىلاي قورعاۋشى ەدۋارد سەرگيەنكو جانە پاراگۆايلىق فرەددي كورونەلمەن رەسمي تۇردە كەلىسىمشارتقا قول قويىلدى.

ايتا كەتەيىك، 31 جاستاعى پ. گوۆەداريتسا - بەلگراد فۋتبولىنىڭ تۇلەگى. سەربيالىق كوماندالاردا ونەر كورسەتكەننەن كەيىن 2010-جىلى پاۆلوداردىڭ «ەرتىسىنە» اۋىسقان. سول كەزدە «ەرتىستى» «اقجايىقتىڭ» قازىرگى باس باپكەرى تالعات بايسۋفينوۆ جاتتىقتىرعانى بەلگىلى.

سوندىقتان وعان سەربيالىق جارتىلاي قورعاۋشى جاقسى تانىس. 32 جاستاعى ە. سەرگيەنكو دونەتسكىدە (ۋكراينا) فۋتبول الىپپەسىن ۇيرەنگەن. قازاقستاندىق كوماندالاردا، سونىڭ ىشىندە «ەرتىستە» ويناعان. ول دا - ت. بايسۋفينوۆتىڭ سىنىنان وتكەن فۋتبولشى. 26 جاسار ف. كورونەل پاراگۆايلىق كلۋبتاردا، ال 2014-2015-جىلدارى ارگەنتينالىق «ريۆاداۆيا» كومانداسىندا دوپ تەپكەن.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى