الماتىدا قازاق كينوشەجىرەسىنىڭ شەبەرى ۆ. بەليالوۆقا ارنالعان كورمە ءوتتى
قازاق كينو ونەرىنە ايتۋلى ەڭبەك سىڭىرگەن ۆياچەسلاۆ بەليالوۆتىڭ كوزى ءتىرى بولعاندا 80 جاسقا تولار ەدى. جۇرگەنوۆ اتىنداعى ۇلتتىق ونەر اكادەمياسىندا وتكەن كورمەدە ونىڭ تابيعاتتىڭ تىلسىم سىرىن ەكران ارقىلى كورسەتە بىلگەن شەبەرلىگى ايشىقتالدى.
ءوزى الپينيزممەن اينالىسىپ، تاۋ شىڭىنا كوتەرىلگەندە دە ونەردەگى اينىماس سەرىگى بولعان كينوكامەراسىن قولىنان تاستاماعان. اپتالاپ، ءتىپتى ايلاپ دالادا، شاتىردا جاتىپ، سيرەك كەزدەسەتىن اڭ-قۇستاردى تاسپاعا تۇسىرگەن قۇندى كورىنىستەرى ونداعان دەرەكتى فيلمگە ارقاۋ بولدى.
كورمەگە كوپتەگەن ونەر بايقاۋلارىنا قاتىسىپ، جەڭىمپاز بولعان ونىڭ ديپلومدارى مەن ماراپاتتاۋلارى قويىلدى. دوستارى مەن جاقىندارى، ارىپتەستەرى ەسكە الىپ، قىزىقتى اڭگىمەلەرىن ورتاعا سالدى.
