سالۆادور بيلىگى بالا تۋماۋدى ءوتىندى
مۇنداي مالىمدەمەنى جاساۋعا زيكا بەزگەگى سەبەپ بولعان دەپ جازادى 24.kz.
بۇل ىندەت وعان شالدىققان ادامنىڭ وزىنە قاتەرلى ەمەس، الايدا ىشتەگى بالانىڭ باس سۇيەگى مەن ميىن كىشىرەيتۋى مۇمكىن ەكەن. بۇل ۆيرۋس العاش رەت ۋگاندادا 1947 -جىلى پايدا بولىپ، كەيىن باسقا افريكالىق ەلدەرگە تارالا باستاعان. بۇگىندە زيكا وڭتۇستىك افريكادا كەڭىنەن تارالعان.
قاۋىپتى ۆيرۋس ماسالاردان جۇعادى.
«بارلىق ايەلدەرگە ءوتىنىش ايتقىم كەلەدى. ءبىزدىڭ كەڭەسكە قۇلاق اسقىسى كەلسە، بيىل جانە الداعى جىلى ومىرگە ءسابي اكەلۋگە تىم اسىقپاعانى جاقسى. مۇنداي جوسپار اسا ساقتىقتى تالاپ ەتەدى. سەبەبى، جۇكتى كەزىندە ۆيرۋس جۇقتىرىپ الاتىن بولسا، وندا ول نارەستەنىڭ دامۋىنا ۇلكەن قاتەر توندىرەدى. ءتىپتى ارتى ولىمگە اكەلۋى مۇمكىن»، - دەيدى سالۆادوردىڭ دەنساۋلىق ساقتاۋ ءمينيسترىنىڭ ورىنباسارى انتونيو ەسپينوسا.
