ماوري تايپاسىنىڭ حاكا حالىق ءبيى ينتەرنەت حيتىنا اينالدى - كەسكىن

بۇل YouTube سايتىندا 13 ميلليوننان استام كورىلىم جيناپ، ينتەرنەت- حيتىنا اينالدى، دەپ حابارلادى لەنتا. رۋ.

توي سالتاناتى وكلەند قالاسىندا ءوتتى. ءبي جاس جۇبايلار ءۇشىن توسىن سىيلىق بولدى. 21 جاستاعى االيا مەن 24 جاستاعى بەن دە بيشىلەرگە قوسىلىپ كەتتى، ال قالىڭدىق قۋانىشتان كوزىنە جاس الدى.

جاڭازەلانزيالىق بايىرعى ماوري حالقىنىڭ ءداستۇرلى ءبيى وسى ەلدىڭ رەگبيشىلەرىنىڭ ورىنداۋىندا الەمگە تانىمال. ءبي توپپەن ورىندالادى، وندا ايقايلاۋ دا، جەر تەپكىلەۋ دە، جاۋىنگەرلىك ايقاي- سۇرەن دە بار. ءبي رەگبيشىلەردىڭ رۋحىن كوتەرەدى ءارى قارسىلاس كوماندانىڭ بەرەكەسىن قاشىرىپ، پسيحولوگيالىق شابۋىل رەتىندە قولدانىلادى. دەگەنمەن حاكا مەرەكەلەردە دە، سونداي-اق قىمباتتى قوناقتار ءۇشىن دە ورىندالادى.

بۇل ارادا جاس جۇبايلاردىڭ كوڭىلىن كوتەرۋ ءۇشىن ۇيىمداستىرىلعانى انىق. بەينەجازبانى مىنا جەردەن كورە الاسىزدار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى