قازاقستان بيە ءسۇتى ارقىلى ميلليارد دوللار تابا الادى - مينيستر

بۇل تۋرالى ق ر اۋىل شارۋاشىلىعى ءمينيسترى اسىلجان مامىتبەكوۆ Facebook جەلىسىندە جازدى.

«وتكەن جىلى قاراعاندى وبلىسىندا بيە سۇتىنەن قۇرعاق كونسەنترات وندىرەتىن زاۋىت اشىلدى. بۇل - ZollMann Stutenmilch GmbH نەمىس كومپانياسىنىڭ تابيعي بيە ءسۇتىنىڭ بيولوگيالىق قۇندىلىعى مەن پايدالى قاسيەتتەرىن ساقتاي وتىرا پاستەرلەۋ جانە كەپتىرۋ بويىنشا يننوۆاتسيالىق تەحنولوگياسى.

جوبادا ءسۇتتى وڭدەۋ عانا ەمەس، ونى وندىرۋمەن دە اينالىسۋ قاراستىرىلعان. جىلقىلار ساتىپ الىنىپ، ساۋىن قۇرىلعىلارى ورناتىلدى. قازىر زاۋىت ءونىم شىعارا باستادى.

بۇل - ادام اعزاسى ءۇشىن وتە پايدالى ءونىم. ەمدىك قاسيەتى بار (يممۋنيتەتتى كوتەرەدى، اسقازان- ىشەك، باۋىر جانە ت. ب دەرتتەردى ەمدەيدى). بالالارعا دا، ەرەسەكتەرگە دە قولدانۋعا بولادى. جوبانى جۇزەگە اسىرۋ باستاماسىن كوتەرۋشى رەتىندە "SAUMED" (قازاقشا جاڭا ساۋعان بيە ءسۇتى - ساۋمال) ساۋدالىق بەلگىسى تىركەلدى.

ءونىم ەكسپورتتىق ساۋدادا سۇرانىسقا يە. سوندىقتان بولاشاقتا ءىرى ەكسپورتتىق تاۋارلاردىڭ بىرىنە جانە ەلىمىزدىڭ ۇلتتىق برەندىنە اينالۋى مۇمكىن.

بۇگىندە ەلىمىزدە جىلقى باسىنىڭ سانى 2 ميلليونعا جەتتى. ارى قاراي ءوسۋ مۇمكىندىگى دە بار.

100 مىڭ بيەنىڭ قايتا وڭدەلگەن ءسۇتى 1 ميلليارد دوللاردىڭ ءونىمىن بەرە الادى (ورتاشا ساۋىمى 500 ليتر، كونسەنترات شىعىمى 1/10 ، باعاسى 200 $/ ك گ). وسىلايشا، ۇلتتىق سۋسىن قازىرگى جاعدايدا ماڭىزدى بولىپ تابىلاتىن ءىرى ۆاليۋتالىق ءتۇسىم كوزىنە اينالۋى مۇمكىن»، - دەپ جازادى مينيستر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى