قازاقستاندا مەملەكەتتىك ورگانداردىڭ ۇزدىك سايتتارى اتالدى
زەرتتەۋ ماقساتى - سايتتاردىڭ تيىمدىلىك، ازاماتتارعا قاجەتتى اقپاراتتىڭ قولجەتىمدىلىك دەڭگەيىن انىقتاۋ جانە رەسۋرستاردىڭ دامۋى بويىنشا ۇسىنىستار بەرۋ، دەپ حابارلادى كومپانيانىڭ باسپا ءسوز قىزمەتى.
ماماندار 12 ورتالىق مەملەكەتتىك ورگانداردىڭ، 36 ورتالىق مەملەكەتتىك ورگاندار كوميتەتتەرىنىڭ، سونداي-اق 16 وبلىس جانە استانا مەن الماتى قالالارى جەرگىلىكتى اتقارۋشى ورگاندارىنىڭ ينتەرنەت- رەسۋرستارىن باعالادى. ق ر ينۆەستيتسيالار مەن دامۋ ءمينيسترىنىڭ م. ا. -نىڭ 2015 -جىلدىڭ 18 -اقپانىنداعى № 135 -بۇيرىعىمەن بەكىتىلگەن اقپاراتتىق تەحنولوگيالاردى قولدانۋدىڭ تيىمدىلىگىن باعالاۋ ادىستەمەسىنە سايكەس رەسۋرستار نەگىزگى ولشەمدەر بويىنشا باعالانادى، ولاردىڭ جالپى ۇلەس ماعىناسى 25 باللدى قۇراۋى ءتيىس.
مونيتورينگ ناتيجەسى بويىنشا ورتالىق مەملەكەتتىك ورگاندار اراسىندا كوشباسشىلار ق ر ينۆەستيتسيالار مەن دامۋ مينيسترلىگى جانە ق ر ەنەرگەتيكا مينيسترلىگى بولىپ شىقتى. ولاردىڭ ارتىقشىلىقتارى قاتارىندا پايدالانۋشىلارعا تىكەلەي باعىتتىلىعىن، پايدالانۋشى نازارىن ەڭ ماڭىزدى بولىمدەرگە اۋدارتۋعا جانە اقپاراتتىق ماتەريالداردىڭ ۇلكەن كولەمىندە وڭاي باعدار تابۋعا باعىتتالعان ناۆيگاتسيانىڭ فۋنكسيونالدىق جۇيەسىن اتاۋعا بولادى. ەكىنشى ورىندا ق ر ۇلتتىق بانكىنىڭ ينتەرنەت- رەسۋرسى، ءۇشىنشى ورىندا - ق ر مادەنيەت جانە سپورت مينيسترلىگى.
جەرگىلىكتى اتقارۋشى ورگاندار اراسىندا ۇزدىك بولىپ وڭتۇستىك قازاقستان وبلىسى اكىمدىگىنىڭ ينتەرنەت-رەسۋرسى تانىلدى. سايت ءمازىر بولىمدەرىنىڭ انىق قۇرىلىمدىلىعىمەن، جاقسى اقپاراتتىق تولىقتىرىلۋىمەن جانە كورسەتىلگەن اقپاراتتىڭ وزەكتىلىگىمەن ەرەكشەلەنەدى. ەكىنشى ورىن قاراعاندى وبلىسى اكىمدىگىنىڭ ينتەرنەت-رەسۋرسىندا، ءۇشىنشى ورىندا - الماتى قالاسىنىڭ سايتى.
مونيتورينگ ناتيجەسى بويىنشا، بارلىق باعالانعان رەسۋرستار ءۇشىن نەگىزگى ۇسىنىمدار شىعارىلدى. ولاردىڭ نەگىزگىسى: اتقارىلعان قىزمەت بويىنشا وزەكتى اقپاراتتى ورنالاستىرۋ، قۇرىلىم بويىنشا دەرەكتەردى تارتىپتەۋ، تولىق بايلانىس دەرەكتەرىن ۇسىنۋ جانە تاعى باسقالارى.
