قازاقستاندا تەڭگەمەن ساقتالعان دەپوزيتتەردىڭ سىياقىسى ەسەلەپ كوبەيمەك

تەڭگە ەركىن اينالىمدا جۇرگەندە جۇرت جيعان-تەرگەنىنەن جۇرداي بولىپ قالماس ءۇشىن ۇلتتىق بانك حالىقتى وسىلاي جارىلقاماقشى دەپ حابارلايدى ك ت ك ارناسى.

ياعني، بۇدان بىلاي تەڭگەمەن دەپوزيت اشقان تۇرعىندار ۇتايىن دەپ وتىر. باس بانكير ونى 4 پايىزعا كوبەيتۋ ارقىلى تەڭگەگە دەگەن سەنىمدى قايتارعىسى كەلەتىنىن جاسىرمادى. ال بانككە دوللارمەن اقشا سالىپ ۇپايى تۇگەل بوپ وتىرعانداردىڭ جىلدىق سىياقىسى، كەرىسىنشە، 3 پايىزدان 2 پايىزعا تومەندەتىلەدى ەكەن.

دەسە دە، كۇندە بۋاز باعامنىڭ ارقاسىندا بۇل دەپوزيتتەر باعاسىن جوعالپايتىن سىڭايلى. كەرىسىنشە، كۇن ساناپ تومەندەگەن تەڭگەنىڭ ءحالى تىم ناشار. 21- قاڭتاردا ءتىپتى اقشا ايىرباستاۋ ورىندارىندا دوللاردى ساتۋ قۇنى 390 عا جەتتى. بۇل ساۋداعا دا ۇلتتىق بانك بۇرىنعىداي بەلسەندى ارالاسۋىن قويعان.

دانيار اقىشيەۆ ۇلتتىق قوردىڭ قارجىسى تەك تەڭگە ابدەن السىرەگەندە عانا جۇمسالادى دەپ وتىر. «ازىرگە تەڭگە تۇنشىققان جوق، سوندىقتان ونى تۇراقتاندىرۋعا ارتىق تيىن بولىنبەيدى» دەدى باس بانكير.

«الداعى ۋاقىتتا تەڭگەنىڭ دوللارعا شاققانداعى باعامى تاعى كوبەيەدى دەپ ويلامايمىز. قىمباتتايتىن اقشا قىمباتتاپ ءبىتتى. تەك بولماشى عانا كوتەرىلمەسە، بۇدان ارىگە اسا قويماس»، - دەيدى ۇلتتىق بانك ءتوراعاسى دانيار اقىشيەۆ .

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى