دەنساۋلىق: ەنەرگەتيكالىق سۋسىنداردىڭ زيانى
سەرگەك بولۋدىڭ ەڭ وڭاي ءارى قولجەتىمدى ءادىسى - ەنەرگەتيكالىق سۋسىن ءىشۋ. الايدا، دارىگەرلەردىڭ ايتۋىنشا، كۇنىنە 300-500 ميليدەن كوپ بولماسا عانا، ەنەرگەتيكالىق سۋسىنداردىڭ اعزاعا زيانى از بولادى.
ەنەرگەتيكالىق سۋسىنداردىڭ قۇرامىنا كوفەيننەن بولەك، تاۋرين، ينوزيت، امين قىشقىلدارى، ريبوزا جانە داۋرمەندەر سەكىلدى ميكروەلەمەنتتەر كىرەدى.
دارىگەرلەر ەنەرگەتيكالىق سۋسىندارعا زەرتتەۋ جۇرگىزىپ، شىندىققا كوز جەتكىزدى. ەنەرگەتيكالىق سۋسىن قۇرامىندا كەزدەسەتىن كوفەين جۇرەك سوعىسىنىڭ جيىلىگىن ازايتاتىن تاحيكارديا اۋرۋىنا «جول سالادى». ەنەرگەتيكالىق سۋسىنداردى ۇزاق ۋاقىت پايدالانساڭىز، ارتەريالدى قان قىسىمى كوتەرىلەدى. بالالار مەن اياعى اۋىر ايەلدەرگە جانە قارت ادامدار مەن گيپەرتونياسى بار جاندارعا بۇل سۋسىندى ىشۋگە مۇلدە بولمايدى.
الكوگول ارالاسقان ەنەرگەتيكالىق سۋسىن وتە قاۋىپتى. بۇل قوسپا اعزانى دەمدە سەرگىتەدى، الايدا اعزاعا ۇلكەن قاۋىپ توندىرەدى.
ماماندار تاڭەرتەڭ سەرگەك بولۋدىڭ وزگە جولدارىن ۇسىنادى. دۋش پەن سۇيىكتى انىڭىزگە جاتتىعۋ جاساۋ جاقسى اسەر ەتەدى. مەديتسينا ماماندارى كوفەين قوسىلعان سابىنمەن سۋعا ءتۇسۋدىڭ اسەرى مول ەكەنىن ايتادى. مۇنداي ادىستەر ەكى كەسە كوفە ىشكەندەي اسەردە قالدىرادى. ەگەر ءسىزدىڭ جاتتىعۋ مەن دۋش قابىلداۋعا ۋاقىتىڭىز جوق بولسا، قۇرامىندا كوفەين بار كوك شاي ىشكەن دۇرىس. ال تاڭەرتەڭ ۇيقىدان سەرگەك ويانۋدىڭ ەڭ وڭاي جولى - جەتى ساعات بويى جاقسىلاپ ۇيىقتاۋ.
ماقالا confederation.kz سايتىنان الىندى.
