الماتىدا حالىقارالىق «سىرلاسۋ» ونەر فەستيۆالى وتەدى

فەستيۆالدى ۇيىمداستىرۋداعى ماقسات - جاس تەاتر كورەرمەندەرىنىڭ جاڭا بۋىنىن قالىپتاستىرۋ جانە تاربيەلەۋ. بۇل فەستيۆال تۇڭعىش رەت 2013-جىلى الماتىدا قالالىق مادەنيەت باسقارماسىنىڭ قولداۋىمەن وتكىزىلگەن بولاتىن.

ال 2016-جىلى فەستيۆال حالىقارالىق تەاتر نارىعىنا شىعىپ، ورىنداۋشىلىق ونەردىڭ بارلىق ءتۇرىن قامتىدى.

«سىرلاسۋ» - قويىلىمنىڭ ءون بويىندا اكتەر مەن كورەرمەن اراسىندا ورىن الاتىن نازىك ديالوگ. بيىل كۇردەلى ەكونوميكالىق جاعدايعا بايلانىستى فەستيۆالدى ۇيىمداستىرۋ وڭاي بولمادى.

ءبىراق، بىزگە الەۋمەتتىك جاۋاپكەرشىلىگى مول كومپانيالار كومەكتەستى. سوندىقتان فەستيۆال سولاردىڭ ارقاسىندا ءومىر ءسۇرۋىن جالعاستىرادى. ال ءبىز زاماناۋي تەاتردىڭ دامۋىنا قولداۋ كورسەتۋدى جالعاستىرا تۇسەمىز»، - دەدى «سىرلاسۋ» فەستيۆالىنىڭ پروديۋسەرى جانە ديرەكتورى ولگا سۇلتانوۆا.

بيىلعى فەستيۆال ءتورت نەگىزگى بلوكتان تۇرادى. ولار: قازاقستاندىق شوۋكەيس، مەيماندىق باعدارلاما، ءبىلىم باعدارلاماسى جانە «قال قالاي؟» جوباسى.

فەستيۆال كۇندەرى كورەرمەندەر وتاندىق ۇجىمداردىڭ قويىلىمدارىن عانا ەمەس، شەت ەلدىك ارتىستەردىڭ دە ونەرىن تاماشالايتىن بولادى، ءتىپتى ءار ءتۇرلى شەبەرلىك سىنىپتارىنا دا قاتىسا الادى.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى