نۇرلان ونەربايەۆ قايدا ءجۇر؟
«قازىرگى جۇرت ءانشىسىن ساحنادان ەمەس، ينستاگرامنان ىزدەيتىن بولدى. ەگەر الەۋمەتتىك جەلىدە جۇرسە، ەندەشە ونى بار دەپ ەسەپتەيدى. جوق بولسا، جوعالىپ كەتتى دەيدى.
مەن سياقتى الەۋمەتتىك جەلىنى قولدانبايتىندار بار. مىسالى، مەن وبلىستارعا شىعىپ، كونسەرتتەرگە قاتىسىپ تۇرامىن. مەنى جوعالتىپ العان جاندار ينستاگرام مەن فەيسبۋكتەن ەمەس، كونسەرتتەن ىزدەسىن»، - دەدى ونەربايەۆ.
ءانشى مەملەكەتتىك قىزمەت مەرزىمى اياقتالىپ، قازىر بار ۋاقىتىن ءوزىنىڭ شىعارماشىلىعىنا ارناپ جۇرگەنىن تىلگە تيەك ەتتى.
«جاڭا جىلعا قۇرعان ءبىراز جوسپارىم بار. كوكتەمنەن باستاپ رەسپۋبليكانى ارالاپ، جەكە كونسەرتتەرىمدى وتكىزسەم دەيمىن. كۇزگە قاراي قورىتىندى كونسەرتتى الماتىدا نە استانادا وتكىزەرمىن دەگەن ويىم بار»، - دەدى ءانشى ءسوز سوڭىندا.
نۇرلان ونەربايەۆ ءالتاي ۇلى (4.11.1961 -جىلى تۋىلعان، تولە بي اۋدانى قازاقستان اۋىلى ) - ءانشى، اكتەر. قازاقستان جاستار وداعى سىيلىعىنىڭ. (1992) ، «دارىن» سىيلىعىنىڭ. (1995) يەگەرى، قر- نىڭ ەڭبەك سىڭىرگەن ءارتيستى (1995) . م. اۋەزوۆ اتىنداعى دراما تەاترى جانىنداعى اكتەرلەر ستۋدياسىن ءبىتىرىپ، وسى تەاتردا ون جىلداي ەڭبەك ەتتى. «انا - جەر انا» سپەكتاكلىندە جايناق ءرولىن، «قان مەن تەردە» راي ءرولىن وينادى. تاعى باسقا 15 شاقتى سپەكتاكلدەردە ءىرىلى- ۇساقتى كەيىپكەرلەردى سومدادى.
ايقىن- اقپارات
***
نۇرلان ءالتاي ۇلى ونەربايەۆ 1961 -جىلى 4 - قاراشادا وڭتۇستىك قازاقستان وبلىسى تولە بي اۋدانى قازاقستان اۋىلىندا دۇنيەگە كەلگەن. ءانشى، اكتەر، قازاقستان جاستار وداعى سىيلىعىنىڭ (1992)، «دارىن» سىيلىعىنىڭ (1995) يەگەرى، ق ر- نىڭ ەڭبەك سىڭىرگەن ءارتىسى (1995).
م. اۋەزوۆ اتىنداعى دراما تەاترى جانىنداعى اكتەرلەر ستۋدياسىن ءبىتىرىپ، وسى تەاتردا ون جىلداي ەڭبەك ەتتى. «انا - جەر انا» سپەكتاكلىندە جايناق ءرولىن، «قان مەن تەردە» راي ءرولىن وينادى. تاعى باسقا 15 شاقتى سپەكتاكلدەردە ءىرىلى- ۇساقتى كەيىپكەرلەردى سومدادى. 1990-1998 -جىلى رەسپۋبليكالىق قازاق راديوسىندا ديكتور بولىپ قىزمەت اتقاردى. 1996-1998 -جىلى «حابار» اگەنتتىگىندە اۋدارماشى، دۋبلياج ءبولىمىنىڭ جەتەكشىسى، 1998 - 2002 -جىلى رەسپۋبليكالىق پرەزيدەنت وركەسترىنىڭ ءانشىسى بولدى.
نۇرلان ونەربايەۆتىڭ ۇلكەن ساحناداعى انشىلىك، ورىنداۋشىلىق ونەر جولى 1986 - جىلداردان باستاۋ الادى. ول «ساعىنىش»، «اناشىم»، «اكە ارمانى»، «قازاق قىزى»، «سۇلۋلىق»، «اۋىلىم»، «تۋعان كۇن»، «ساعىندىم اۋىلدى»، «جان اعا»، «ماحاببات كوكتەمى»، «قاراعىم- اي»، «اققۋىم»، «تاڭعى تىلەك»، «اق تىلەك»، «اي دا، كۇن دە» اندەرىن، سونداي- اق حالىق اندەرىنەن «دۋداراي»، «ساندۋعاش»، «ءبىر بيداي ارپا»، «ۇكىلى كامشات»، «وي كوك»، «بەۋ، ايداي»، «بيپىل» اندەرىن ورىنداپ ءجۇر.
ونەر ساپارىمەن، كونسەرتتىك باعدارلامامەن تۇركيا، يتاليا، فرانسيا، جاپونيا، چەحيا، سلوۆاكيا، ماروككو، قىتاي، گەرمانيا، موڭعوليا ەلدەرىندە بولدى. «سۇلۋلىق»، «جان اعا» اتتى اۋديو كاسسەتالارى مەن «قاراعىم- اي» جانە بىرنەشە ءۇنتاسپالارى شىققان. 2003 - جىلدان «قازاقستان تەلەديدارى مەن راديوسى» رەسپۋبليكالىق كورپوراتسياسى ج ا ق باسقارما ءتوراعاسىنىڭ ورىنباسارى، قازاق راديوسىنىڭ باس ديرەكتورى. 2007 - جىلعى قاڭتاردان - الماتى قالاسى مادەنيەت دەپارتامەنتىنىڭ ديرەكتورى. 2008 - جىلعى جەلتوقساننان ءتورتىنشى شاقىرىلعان ق ر پارلامەنتى ماجىلىسىنە «نۇر وتان» ح د پ ءتىزىمى بويىنشا دەپۋتات بولدى. «قىران» فەدەراتسياسىنىڭ قۇرمەتتى پرەزيدەنتى. «استانا»، «قازاقستان رەسپۋبليكاسىنىڭ تاۋەلسىزدىگىنە 10 جىل» مەدالدارىمەن ماراپاتتالعان، مادەنيەت قايراتكەرى.
