قىتاي كورپوراتسياسىن الداعان استانا تۇرعىنى ىزدەستىرىلۋدە

 «قازىبەك ءبي اۋداندىق سوتى «انحوي پروۆينتسياسىنىڭ چانفەن كابەلدى كورپوراتسياسى» ج ش س قىتاي فيرماسىنا قاتىستى اسا ءىرى كولەمدەگى الاياقتىق ءىسىن قاراستىردى. 2016 -جىلعى 19 - قاڭتارداعى سوت ۇكىمىمەن استانا تۇرعىنى ەركىن قۋانتايەۆ 6  جىل 8 ايعا، قاراعاندىلىقتار قايرات نۇربايەۆ پەن سەرگەي كيم 6  جىلعا بوستاندىعىنان ايىرىلدى. ءاربىرىنىڭ مۇلكى تاركىلەندى. ولار جالپى رەجيمدەگى تۇرمەدە جازاسىن وتەيدى» ، - دەدى ءا. جوشيەۆا.

 قۋانتايەۆ قىلمىستى ۇيىمداستىرۋشى بولعاندىقتان، ول جازاسىن كوبىرەك وتەيدى. ە. قۋانتايەۆ سوتقا كەلمەگەندىكتەن، ىزدەۋ جاريالاندى.

قىلمىستىق ءىس ماتەريالدارىنا سايكەس، قىلمىس 2012 -جىلدىڭ ناۋرىزىندا جاسالدى. قىتايلىق فيرما قازاقستاندا مىس كونسەنتىن جەتكىزۋشىلەردى ىزدەپ، الاياقتاردىڭ ارباۋىنا ءتۇستى. قىتاي كومپانياسىنا كەلتىرىلگەن زالال  507160 ا ق ش دوللارىن قۇرادى. فيرما %30 كولەمىندە الدىن الا تولەم جاساعان.

«سوت سوتتالۋشىلاردان جاپا شەككەن تاراپتىڭ پايداسىنا قىلمىس جاساعان كەزدەگى دوللار باعامىن ەسەپكە الا وتىرا 72,3 ميلليون تەڭگە ءوندىردى. جاپا شەككەندەرگە فيرما قازىرگى باعام بويىنشا دا زالالدىڭ ورنىن تولتىرۋعا قۇقىلى ەكەنىن ءتۇسىندىرىلدى» ، - دەدى ءا. جوشيەۆا.

 ۇكىم زاڭدى كۇشىنە ەنبەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى