بىشكەكتە التاي رەسپۋبليكاسىنىڭ ەجەلگى تۇرىك جازبا ەسكەرتكىشتەرىنىڭ اتلاسىن تانىستىردى

 باسىلىمنىڭ نەگىزگى اۆتورى قىرعىزستانعا جانە الەمگە بەلگىلى عالىم- تۇركولوگ، پروفەسسور، فيلولوگيا عىلىمدارىنىڭ دوكتورى قادىرالى قوڭقوبايەۆ، «ماناس» ۋنيۆەرسيتەتىنىڭ پروفەسسورى، دەپ حابارلادى حالىقارالىق تۇرىك اكادەمياسىنىڭ باسپا ءسوز قىزمەتىنەن.

 تانىستىرىلىم اعىمداعى جىلى 19 - قاڭتاردا، «ماناس» قىرعىز- تۇرىك ۋنيۆەرسيتەتىندە «بۇگىنگى ورتا ازيا جانە ءجۇسىپ بالاساعۇن مۇراسى» تاقىرىبىندا كونفەرەنسياسى بارىسىندا ءوتتى.

 شارانى قىرعىزستان رەسپۋبليكاسى پرەزيدەنتىنىڭ اكىمشىلىگىنىڭ قولداۋىمەن تۇركى حالىقارالىق اكادەمياسى جانە «ماناس» قىرعىز- تۇرىك ۋنيۆەرسيتەتى بىرلەسىپ ۇيىمداستىردى.

 اتالعان كونفەرەنسيا قىرعىزستان پرەزيدەنتى ا. اتامبايەۆتىڭ قاۋلىسىمەن جاريالانعان قىرعىزستانداعى تاريح جانە مادەنيەت جىلىن اشتى. جيىننىڭ اشىلۋ سالتاناتىندا ءسوز سويلەگەن قىرعىز رەسپۋبليكاسى پرەزيدەنتى اكىمشىلىگىنىڭ جاۋاپتى وكىلى زايربەك ەرگەشيەۆ ءجۇسىپ بالاساعۇننىڭ 1000 جىلدىعى قىرعىزستاندا سالتاناتتى تۇردە مامىر ايىندا تويلاناتىنىن ايتتى.

 تۇرىك اكادەمياسىنىڭ، «ماناس» ۋنيۆەرسيتەتى مەن ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ ماماندارى قاراحان داۋىرىندەگى ءدىني احۋال، ءجۇسىپ بالاساعۇن مۇراسىنىڭ ءدىني ەكسترەميزمگە قارسى باعىتتاعى ءرولى، تۇرىك قالالىق مادەنيەتىنىڭ ەسكەرتكىشى رەتىندە «قۇتادگۋ بىلىك» شىعارماسىنىڭ ءرولى، «قۇتادگۋ بىلىك» پەن «ماناس» ەپوسى اراسىنداعى يدەيالىق پاراللەلدەر تاقىرىپتارىن قوزعادى.

ءجۇسىپ بالاساعۇن - تۇرىك جازۋشىسى. XI عاسىردا قاراحان ەلىندەگى قاشعار قالاسىندا تۇرعان جانە وسى جەردە جەرلەنگەن.

 ءجۇسىپ 1017 - جىلى قاراحان ەلى بالاساعۇن قالاسىندا تۋعان. 50 جاسىندا «قۇتادگۋ بىلىك» پوەماسىن اياقتادى جانە ونى قاعان سۋلەيمان ارسلانعا بەرىپ، «حاسس حادجيب» اتاعىنا يە بولدى.

 54 جاسىندا قازا تاپتى. قاشعار قالاسىنداعى مازاردا جەرلەندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى