ءماجىلىس بولماعان جاعدايدا پارلامەنتتىڭ قىزمەتىن سەنات اتقارا بەرەتىن بولادى - ق. توقايەۆ
بۇگىن پارلامەنت سەناتىنىڭ جالپى وتىرىسىندا سپيكەر قاسىم-جومارت توقايەۆ ق ر پرەزيدەنتى نۇرسۇلتان نازاربايەۆتىڭ ءماجىلىستىڭ قىزمەتىن مەرزىمىنەن بۇرىن توقتاتىپ، سايلاۋ تاعايىنداۋ تۋرالى جارلىعىنا قاتىستى پىكىرىن وسىلاي ءبىلدىردى.
«ق ر پرەزيدەنتى كەشە پارلامەنت ءماجىلىسىن مەرزىمىنەن بۇرىن تاراتىپ، ءماجىلىس پەن بارلىق دەڭگەيدەگى ءماسليحاتتار سايلاۋىن وتكىزۋ تۋرالى جارلىعىنا قول قويدى. ەلباسىنىڭ بۇل شەشىمى قوعام مەن مەملەكەت ءۇشىن اسا ماڭىزدى بولىپ تابىلادى. سونىمەن قاتار، بۇل اسا وزەكتى رەفورمالاردى جۇزەگە اسىرۋعا جەدەل كىرىسىپ، داعدارىسقا قارسى شارالارعا جاڭا سەرپىن بەرەتىنى ءسوزسىز. ەلباسىنىڭ اۋقىمدى رەفورمالارىن ناقتى جۇزەگە اسىرۋعا كىرىسكەن كەزەڭدە ساياسي پارتيالاردىڭ سايلاۋشىلاردان جاڭا سەنىم مانداتىن الۋى وتە ماڭىزدى»، دەدى ق. توقايەۆ.
سونىمەن قاتار، سپيكەر بۇگىنگى تاڭدا سەناتتىڭ الدىندا اسا جاۋاپتى مىندەتتەر تۇرعانىن اتاپ ءوتتى. «كونستيتۋتسياعا سايكەس، ءماجىلىس ۋاقىتشا بولماعان كەزدە پارلامەنتتىڭ زاڭ شىعارۋ قىزمەتىن سەنات اتقاراتىن بولادى. ەلباسىنىڭ ۇلت جوسپارىن زاڭنامالىق تۇرعىدان قامتاماسىز ەتۋ ءۇشىن سەنات ۇكىمەتپەن بىرلەسىپ اۋقىمدى جۇمىستاردى ۇيلەسىمدى تۇردە جالعاستىراتىن بولادى. سەناتورلار قوعام مەن مەملەكەتتىڭ تۇراقتى دامۋىنا اسا قاجەتتى زاڭداردى قابىلداۋدا وزدەرىنىڭ مول تاجىريبەسىن ايانباي جۇمسايتىنىنا سەنىم مول»، دەدى ق. توقايەۆ.
اۆتور: قانات مامەتقازى ۇلى
