باسى وتە كىشكەنتاي بالالاردىڭ دۇنيەگە كوپتەپ كەلۋى برازيليانى الاڭداتىپ وتىر
ەلدە قازان ايىنان بەرى وسىنداي ءتورت مىڭعا جۋىق وقيعا تىركەلگەن. سوڭعى اپتادا ولاردىڭ سانى شامامەن 400 گە ءوستى.
بۇل ستاتيستيكا برازيليا تاريحىندا ەڭ ءىرى ۆيرۋس ىندەتى تۋرالى ايتۋعا سەبەپ بولىپ وتىر. زيكا ۆيرۋسىنا قارسى ءدارى تابىلماعان. بۇگىندە ونىمەن كۇرەسۋدىڭ جالعىز جولى - ۆيرۋستى تاسىمالداۋشى ماسالارمەن كۇرەس جۇرگىزۋ.
ەلدىڭ دەنساۋلىق ساقتاۋ مينيسترلىگىنەن حابارلانىپ وتىرعانداي، برازيليادا ۆيرۋستان 5 جاڭا تۋىلعان بالا شەتىنەپ كەتكەن. ماماندار 44 بالا ولىمىنە قاۋىپتى ىندەت سەبەپشى بولۋى مۇمكىن ەكەندىگىن ايتىپ وتىر.
كورشىلەس كولۋمبيانىڭ دارىگەرلەرى دە دابىل قاعىپ وتىر - مۇندا ۆيرۋسقا شالدىققانداردىڭ سانى 13 مىڭنان اسقان. ال، بوليۆيادا تاياۋدا ۆيرۋس العاش رەت جۇكتى ايەلدەن انىقتالعان.
