ن. نازاربايەۆ: مەنىڭ اتىما تۇسكەن ۇندەۋلەردە كەلتىرىلگەن بارلىق دالەل، دايەكتەمەلەر ماعان تۇسىنىكتى، ول - ەلدىڭ قامى
بۇگىن وتاندىق تەلەارنالار ارقىلى دەپۋتاتتاردىڭ ءماجىلىس پەن ءماسليحات سايلاۋىن مەرزىمىنەن بۇرىن وتكىزۋ باستاماسىنا وراي قازاقستان حالقىنا ۇندەۋ ارناعان ەلباسى نۇرسۇلتان نازاربايەۆ وسىلاي دەدى.
«قۇرمەتتى قازاقستاندىقتار! مەن پارلامەنت ءماجىلىسى دەپۋتاتتارىنىڭ وكىلەتتىگىن مەرزىمىنەن بۇرىن توقتاتۋ جانە جاڭا سايلاۋ تاعايىنداۋ تۋرالى ۇسىنىسىن جان-جاقتى تالداپ، قارادىم. بۇل كۇندەرى مەنىڭ اتىما باستاماعا قولداۋ كورسەتكەن كوپتەگەن حاتتار مەن جەدەلحاتتار ءتۇسىپ جاتىر. باستامانى ساياسي پارتيالار، كاسىپوداق، ۇكىمەتتىك ەمەس ۇيىمدار، كاسىپورىنداردىڭ، مەكەمەلەر مەن وقۋ ورىندارىنىڭ ەڭبەك ۇجىمدارى قۇپتادى. وعان ارداگەرلەر مەن جاستاردىڭ ۇيىمدارى، بيزنەس پەن شىعارماشىلىق، زيالى قاۋىم وكىلدەرى، سونداي-اق كوپتەگەن جەكە ازاماتتار قولداۋ كورسەتىپ وتىر. ونى وزدەرىڭىز اقپارات قۇرالدارىنان كورىپ، ەستىپ وتىرسىزدار. مەنىڭ اتىما تۇسكەن ۇندەۋلەردە كەلتىرىلگەن بارلىق دالەل، دايەكتەمەلەر ماعان تۇسىنىكتى. ول - ەلدىڭ قامى»، - دەدى ەلباسى ن. نازاربايەۆ.
اۆتور: مارلان جيەمباي
