قىتاي تۋريستەرىنە ايگىلى قازاق اۋدانىندا اۋقىمدى مەرەكە ءوتتى

قىتايداعى ەڭ تەرەڭ كول سانالاتىن قاناس كولى وسى اۋداندا ورنالاسقان. جاقىندا وسى كورىكتى مەكەندە كولەمدى ساياحات مەرەكەسى جالاۋىن كوتەردى.

بۋىرشىندا قاناس كولىنەن تىس، قوم، اقكۇڭگەيتى، جالدىڭ ءۇيى سەكىلدى قىتايدىڭ ىشكى ولكەلەرىندەگى ساياحاتشىلاردى وزىنە باۋرايتىن تانىمال جەرلەرى كوپ. التايدىڭ اسەم تاۋى، كورىكتى وزەن-كولى اۋداندى تابىستى تۋريستىك وڭىرگە اينالدىرعان. بۇل جولعى شارا اۋداننىڭ قىس ماۋسىمىنداعى تابيعي ەرەكشەلىگىن پايدالانا وتىرىپ، ساياحات سالاسىن قانات جايدىرۋعا باعىتتالعان.

قازىر بۋىرشىن اۋدانىنىڭ مىڭ شاقىرىمدىق مۇز قۇرساۋ، تۇمەن شاقىرىمدىق قار قۇرساۋ، اپپاق الەم، وزگەشە كوركى بار قار-مۇز كورىنىسى، ات شانا، ساداق اتۋ، قار ۇستىندەگى ات بايگەسى، كوكپار تارتۋ سياقتى قىس ماۋسىمىندا وزدىرىلاتىن دارا ەرەكشەلىككە يە ۇلتتىق سالت-سانا، مۇزدان عۇزىرلانۋ، قاردا سىرعاناۋ سياقتى قاۋىپ-قاتەرگە تولى، باۋراۋ قۋاتى كۇشتى قار-مۇز سپورت قيمىلدارى مەن مۇز ويما، قار ويما سياقتى وزگەشە قار-مۇز تەحنولوگياسى بار، ساياحات بايلىعى اسا مول اۋدان.

بۇل جولى «قار-مۇز قۇرسانعان ەرتەگى بۋىرشىن» اتتى ساياحات ماۋسىمىنا ارنالعان مەرەكەلىك شارا شۇڭقىر اۋىلىندا وتكىزىلدى. ۇلتتىق سپورت پەن سالت-ءداستۇردى نەگىز ەتكەن جيىندا سان الۋان ۇلتتىق ويىن تۇرلەرى كورسەتىلدى. سونىمەن قاتار، اۋدان قالاشىعىندا «ەرتەگى بۋىرشىن، تىلسىم قاناس» فوتوسۋرەت باسەكەسىنىڭ دە قورىتىندىسى جاريالانىپ، جۇلدەگەرلەرگە سىيلىق تاراتىلدى. اۋداندى الەمگە تانىتىپ، تۋريزم سالاسىن بارىنشا نىعايتۋدى ماقسات ەتكەن فوتو بايقاۋىنا قىتاي ەلىنەن 100 دەن استام فوتوگراف قاتىسىپتى.

جەرگىلىكتى حالىقتىڭ سالت-ءداستۇرىن بەكەمدەپ، اۋداننىڭ تۋريستىك بەت-بەينەسىن تانىتا ءتۇسۋدى ماقسات ەتكەن شارا حالىقتىڭ ىقىلاسىنا بولەندى.

مۇرات الماسبەك ۇلى

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى