اسا اۋىر سالماقتاعى قازاق بوكسشىسى كاسىبي بوكسقا اۋىسىپ كەتتى

بوكس كەشى الماتىداعى Royal Tulip قوناق ۇيىندە وتەدى.

وتانداسىمىزدىڭ قارسىلاسى - رەسەي بوكسشىسى ۆالەري زاميرالوۆ. بۇل تۋرالى inboxing.kz سايتىنا سىلتەمە جاساعان egemen.kz حابارلادى.

سونىمەن قاتار، بۇل كۇنى ايدوس ەربوسىن ۇلى، بەرىكباي نۇرىمبەتوۆ، نۇرسۇلتان قابدۋلوۆ جانە تاعى باسقا قازاقستاندىق بوكسشىلار كەزەكتى رەيتينگتىك كەزدەسۋلەرىن وتكىزەدى. سولاردىڭ ىشىندە مىرساتايەۆ پەن زاميرالوۆتىڭ جەكپە-جەگى كەشتىڭ باستى ايقاسى رەتىندە اتالىپ وتىر.

بوكس سايىسى BM Global جانە Diamond Ring ج ش س- لەرىنىڭ، سونداي-اق، قازاقستان كاسىپقوي بوكس فەدەراتسياسىنىڭ ۇيىمداستىرۋىمەن وتكىزىلەدى.

ايتا كەتەيىك، رۋسلان مىرساتايەۆ ۇلتتىق قۇراما ساپىندا 2008-جىلى قىتاي استاناسى - بەيجىڭ قالاسىندا وتكەن وليمپيالىق ويىندارعا قاتىستى. ودان بولەك، ول «استانا ارلاندارى» كومانداسىمەن بىرگە بۇكىل الەمدىك بوكس سەرياسى سايىسىنىڭ چەمپيونى اتاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى