تۇلەك كادەتتەر ارميادا پراكتيكالىق تاجىريبە جيناۋدا - فوتو
«كادەتتەر موتواتقىش جانە دەسانتتىق- شابىلداۋ بولىمشەلەرى، تەڭىز جاياۋ اسكەرى بولىمشەلەرى، تانك كومانديرلەرى لاۋازىمدارىندا تاعىلىمدامادان وتۋدە.
اسكەرگە كەلىسىمەن اسكەري ورتاعا بەيىمدەلۋ ماقساتىندا كادەتتەرمەن وقۋ- ادىستەمەلىك جيىندار وتكىزىلدى. ولاردان اتىس جانە دەنە دايارلىعى بويىنشا سىناق قابىلداندى، تاعىلىمدامادان وتۋشىلەرگە اناعۇرلىم تاجىريبەلى سەرجانتتار سانىنان تالىمگەرلەر بەكىتىلدى»، دەپ حابارلايدى قورعانىس مينيسترلىگىنىڭ باسپا ءسوز قىزمەتى.
اسكەري تاعىلىمداما بارىسىندا كادەتتەر جەكە قۇرامدى باسقارۋدا، جاۋىنگەرلىك دايارلىق بويىنشا ساباقتاردى، بولىمشەلەر مەن ۆزۆودتاردىڭ جاۋىنگەرلىك وق اتۋلارىن وتكىزۋدە، ۇرىستى تەكسەرۋدە جانە اتىس قارۋىن قالىپتى ۇرىسقا كەلتىرۋدە پراكتيكالىق داعدى الادى.
200-گە جۋىق كادەت شەبەرلىكتەرى مەن پراكتيكالىق داعدىلارىن جەتىلدىرەدى. ولار اسكەري تەحنيكا مەن قارۋ- جاراقتى پايدالانۋ، جوندەۋ جانە باپتاپ كۇتۋ جونىندەگى داعدىلارىن جيناقتاپ، شىڭدايدى.
كادەت كورپۋسىنىڭ تۇلەكتەرى ءۇشىن بۇل جاڭا پراكتيكالىق تاجىريبە جانە ناعىز اسكەري قىزمەتتى كورۋدىڭ العاشقى مۇمكىن. جارتى جىلدان سوڭ ولاردىڭ ءارقايسىسى ءوز قىزمەتىن باستايدى.
