الماتىدا شەتەلدىك ماشينا جۇرگىزۋشىسى جاياۋ جۇرگىنشىنى قاعىپ، وقيعا ورنىنان ءىز سۋىتتى
جاسىرىنعان اۆتوماشينانىڭ استىنا 1966 -جىلى تۋىلعان ەر ادام ءتۇستى.
قالا ءى ءى د مالىمەتتەرى بويىنشا، جول-كولىك وقيعاسى الماتىنىڭ اۋەزوۆ اۋدانىندا بولعان. بەلگىسىز ماشينانىڭ جۇرگىزۋشىسى ياسساۋي كوشەسىمەن وڭتۇستىك باعىتقا كەلە جاتىپ، ناۋمەتوۆ كوشەسىنىڭ قيىلىسىندا ياسساۋي كوشەسىن باتىس باعىتتا كەسىپ وتكەن جاياۋ جۇرگىنشىنى قاعىپ كەتكەن.
«بۇل وقيعا بويىنشا اقپارات الماتى ءى ءى د- نىڭ جەدەل باسقارۋ ورتالىعىنىڭ كەزەكشىسى پۋلتىنە ساعات 21:20 دا تۇسكەن. وقيعا ورنىنا كەلگەن جەدەل - تەرگەۋ توبى جانە جول-تورۋىل پوليتسەيلەرى ءبىرقاتار شارالار جۇرگىزدى، سونىڭ ناتيجەسىندە ج ك و- نىڭ الدىن الا ءمان-جايى انىقتالدى. باس-مي زاقىمىن العان جانە باسقا دا كوپتەگەن سىنىقتار دياگنوزىمەن «جەدەل جاردەم» زارداپ شەگۋشى ەر ادامدى 7- قالالىق كلينيكالىق اۋرۋحانانىڭ وڭالتۋ بولىمىنە جەتكىزدى»، - دەپ حابارلادى قالا ءى ءى د- نىڭ رەسمي وكىلى سالتانات ازىربەك.
بۇل كولىككە قازىر ىزدەۋ سالىندى. وقيعانىڭ بارلىق جاي-جاپسارى انىقتالۋدا. پوليتسەيلەر وقيعا كۋاگەرلەرىنىڭ جانە بۇل جونىندە قانداي دا ءبىر اقپاراتتى بىلەتىن ادامداردىڭ ءبارىنىڭ جوعارى ازاماتتىق بەلسەندىلىك كورسەتۋىن جانە جۇرگىزۋشى مەن اۆتوماشينانى ىزدەۋگە جاردەمدەسۋلەرىن جانە 2544505, 2544739, ۇيالى 87072228887, 87015888444 نەمەسە 102 تەلەفوندارىنا قوڭىراۋ شالۋدى سۇرايدى.
