استانادا «اۆتوبۋس» جەدەل الدىن الۋ ءىس- شاراسى باستالدى

استانا اكىمدىگىنىڭ باسپا ءسوز قىزمەتى حابارلاپ وتىرعانداي، ءۇش كۇن بويى ءتارتىپ ساقشىلارى كولىكتىك باقىلاۋ ينسپەكتسياسىنىڭ اۋماقتىق بولىمشەلەرىمەن، مەملەكەتتىك كىرىستەر دەپارتامەنتىمەن جانە قوعامدىق باقىلاۋ وكىلدەرىمەن بىرلەسىپ جەلىگە شىقپاس بۇرىن قالالىق اۆتوبۋستاردىڭ تەحنيكالىق جاعدايىن، جۇرگىزۋشىلەردىڭ تىركەۋ قۇجاتتارىنىڭ بولۋىن تەكسەرىپ، اۆتوبۋستاردى نورماتيۆتەر مەن ستاندارتتاردىڭ تالاپتارىن بۇزىپ باسقارۋ جانە پايدالانۋ فاكتىلەرىن، كولىك قۇرالدارىن زاڭسىز قايتا جابدىقتاۋدى انىقتاۋ بويىنشا شارالار، سونداي- اق، جۇرگىزۋشىلەر مەن اۆتوبۋستاردى جولعا شىقپاي تۇرىپ مەديتسينالىق جانە تەحنيكالىق تەكسەرۋ شارالارىن، جۇرگىزۋشىلەردىڭ ەڭبەك پەن دەمالىس رەجيمىن ساقتاۋىن تەكسەرۋ بويىنشا شارالار وتكىزەدى.

استانا قالاسى اكىمشىلىك پوليتسيا باسقارماسىنىڭ مالىمەتىنشە، قالا اۋماعىندا جولاۋشىلاردى قوعامدىق كولىكپەن تاسىمالداۋ سالاسىندا كۇن سايىن 700 دەن استام اۆتوبۋستى جولعا شىعاراتىن 8 كاسىپورىن جانە 13 رەسمي تاكسوپارك جۇمىس ىستەيدى.

 استانا قالاسىنىڭ ءى ءى د ءا پ ب ەرەكشە تاپسىرمالار جونىندەگى اعا ينسپەكتورى باقىتجان التىبايدىڭ ايتۋىنشا «2015 -جىلدىڭ قورىتىندىسى بويىنشا جول- پاترۋلدىك پوليتسيا قىزمەتكەرلەرى قوعامدىق كولىك جۇرگىزۋشىلەرى جول بەرگەن جول قوزعالىسى ەرەجەلەرىن بۇزۋدىڭ 2400 استام جاعدايىن تىركەدى. تەحنيكالىق اقاۋى بار اۆتوبۋستاردى رەيسكە جىبەرگەنى ءۇشىن 53 لاۋازىمدى تۇلعا اكىمشىلىك جاۋاپكەرشىلىككە تارتىلدى».

سونىمەن قاتار، «پوليتسيا قىزمەتكەرلەرى جولاۋشىلار مەن جۇكتەردى زاڭسىز تاسىمالداۋدىڭ جولىن كەسۋ ءۇشىن ۆوكزال ماڭىنداعى الاڭدا جانە اۋەجاي اۋدانىندا، سونداي- اق، «رۋبەج» بەكەتتەرىندە قالاارالىق باعىتتاعى اۆتوبۋس جۇرگىزۋشىلەرىنىڭ كولىك زاڭناماسىن بۇزۋ جاعدايلارىن انىقتاۋ، ەلوردادا جولاۋشىلار مەن جۇك تاسىمالداۋ ەرەجەلەرىنە جانە سالىق مىندەتتەمەلەرىنە سايكەس كەلمەيتىن جولاۋشىلار تاسىمالىن جۇزەگە اسىراتىن تاكسي اۆتوموبيلدەرىن تەكسەرۋ بويىنشا ءبىرقاتار شارالاردى قولعا الماق»، - دەپ اتاپ ءوتتى ب. التىباي.

بۇدان باسقا، جولاۋشىلار كولىگى جۇرگىزۋشىلەرىنىڭ تاراپىنان قۇقىق بۇزۋشىلىقتىڭ الدىن الۋعا باعىتتالعان ءبىرقاتار شارالاردى قابىلداۋ جوسپارلانعان.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى