الماتى اكىمدىگى قالا اۋاسىن جاقسارتۋعا ارنالعان ەكى جىلدىق ەكولوگيالىق باعدارلاما ازىرلەدى
بۇل تۋرالى بۇگىن الماتى قالاسى اكىمدىگىنىڭ باسپا ءسوز قىمەتىنەن حابارلادى.
الماتىنىڭ اۋە الابىنىڭ ەكولوگيالىق جاعدايىن جاقسارتۋعا باعىتتالعان بۇل كەشەندى جوسپار الداعى ەكى جىل ىشىندە ەكولوگيالىق سيپاتتاعى ءبىرقاتار كوپ ماقساتتى مىندەتتەردى جۇزەگە اسىرۋعا باعىتتالعان.
«گيدرومەتەورولوگيالىق مونيتورينگ ورتالىعى» ەنشىلەس مەملەكەتتىك كاسىپورنىنىڭ دەرەگى بويىنشا، قالادا اتموسفەرانىڭ لاستانۋ كورسەتكىشى - ي ز ا5 - 2015 -جىلى 2014 -جىلعا قاراعاندا 10 نان 9,7 گە تومەندەگەن. سوعان قاراماستان، الماتىنىڭ اۋە الابىنىڭ لاستانۋ دەڭگەيى جوعارى دارەجەدە دەپ ايتۋعا بولادى.
بۇل جەردە قالا اۋاسىن لاستاپ جاتقاندار - نەگىزىنەن اۆتوكولىكتەر ەكەنى بەلگىلى. جىلىنا قالاداعى اۆتوكولىكتەردەن اۋاعا 231 توننا زياندى قالدىقتار تارالادى.
سوندىقتان، ارنايى قىزمەتتەر جاعدايدى جاقسارتۋ ماقساتىندا ءتورت نەگىزگى باعىت بويىنشا ارەكەت جاساماق. ولار: اۆتوكولىكتەردى ەكولوگيالاندىرۋ، اۋانىڭ لاستانۋىن ستاتسيونارلىق قۇرىلعىلار ارقىلى تازارتۋ، جەكە سەكتوردى گازداندىرۋ جانە قالانىڭ جاسىل جەلەگىن ساقتاۋ جانە دامىتۋ باعىتتارى.
سونىمەن قاتار، تابيعاتتى قورعاۋ شارالارىنىڭ ورىندالۋىنا جانە زياندى قالدىقتاردىڭ اۋاعا تارالۋىن ازايتۋعا باعىتتالعان كەشەندى شارالاردىڭ جۇزەگە اسۋىن باقىلاۋ جۇمىستارى كۇشەيتىلەتىن بولادى.
اۆتوكولىك سالاسى بويىنشا ۋلىلىق جانە تۇتىندىلىك نورمالارىنىڭ ساقتالۋى قاتاڭ باقىلاۋعا الىنادى. اۆتوتۇراق جەلىلەرى جاسالىپ، ورتالىقتاندىرىلعان تۇردە باسقارىلادى. سونداي-اق، وزگە قالالىق كولىك قۇرالدارىنىڭ قالا اۋماعىنا ەنۋىنە شەكتەۋ قويۋ جۇيەسى ىسكە قوسىلادى.
بۇدان باسقا، الداعى ەكى جىل ىشىندە ءبىرقاتار ءوندىرىس نىساندارى مەن جەكە تۇرعىن ۇيلەردى گازداندىرۋ كوزدەلۋدە. بۇل جەردە نەسيەلەندىرۋ مەحانيزمى قولدانىلادى.
51 شارادان تۇراتىن ەكولوگيالىق جوسپاردى جۇزەگە اسىرۋعا بيۋدجەتتىك باعدارلامالاردىڭ اكىمشىلەرى جانە جەكە ينۆەستورلار قاتىساتىن بولادى.
سونداي-اق، ەكولوگيالىق ماسەلەلەردى شەشۋگە قالا تۇرعىندارى دا تارتىلادى جانە ۇيلەستىرۋشى ەكولوگيالىق كەڭەس قۇرىلادى.
اۆتور: جاپپاربەرگەن ايبوتا
