جوعارعى سوتتا سوت تورەشىنىڭ جاڭا قۇرامى سايلاندى
جوعارى سوت ورگانىنىڭ ءتوراعاسى قايرات ءمامي ءوز سوزىندە سوت جيۋريى «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا ەنگىزىلگەن وزگەرىستەر ەسكەرىلە وتىرىپ قۇرىلعانىن ەسكە سالدى. اتاپ ايتقاندا، ەندى سوت جيۋريى جۇمىس ىستەپ جۇرگەن سۋديالاردىڭ كاسىبي قىزمەتىنە باعا بەرىپ، سۋديانىڭ ورنىنان ءتۇسۋ قۇقىعىن راستايتىن جانە ونى توقتاتاتىن بولادى، سونداي-اق سۋديالارعا قاتىستى تارتىپتىك ءىس جۇرگىزۋدى قوزعاۋ تۋرالى ماسەلەلەردى، تارتىپتىك ىستەردى قارايدى.
زاڭنىڭ 22-بابىنا سايكەس، سوت ءجيۋريىنىڭ قۇرامى جاسىرىن داۋىس بەرۋ جولىمەن سايلاندى. وعان اۋداندىق سوتتاردىڭ 3 سۋدياسى، وبلىستىق جانە جوعارعى سوتتاردان 5 سۋديادان جانە ورنىنان تۇسكەن 3 سۋديا ەندى.
سوت جيۋريىنىڭ ءتوراعاسى بولىپ مورياك شەگەنوۆ سايلاندى.
سوت جيۋريى بىلىكتىلىك كوميسسياسىنىڭ قۇرامىنا جوعارعى سوتتىڭ سۋديالارى روزا جاكۋدينا، سارا جارمۇحامبەتوۆا، وڭتۇستىك قازاقستان وبلىستىق سوتىنىڭ سۋدياسى ايمان ساعىندىقوۆا جانە اسكەري سوتتىڭ سۋدياسى قۋانىش سامانبەتوۆ، ورنىنان تۇسكەن سۋديالار باعدات احمەتوۆ، قايىنجامال بۋحبانوۆا مەن امانگەلدى رىسقالييەۆ ەندى.
تارتىپتىك كوميسسيانىڭ قۇرامىنا جوعارعى سوتتىڭ سۋديالارى مارگاريتا ودينتسوۆا مەن ايگۇل ساپاروۆا، استانا قالالىق سوتىنىڭ سۋدياسى كەنجە اقتايلاقوۆ، الماتى قالالىق سوتىنىڭ سۋدياسى گۇلبارام ەسجانوۆا، قاراعاندى وبلىستىق سوتىنىڭ سۋدياسى اسقار تۇرىسبايەۆ، قىلمىستىق ىستەر جونىندەگى مامانداندىرىلعان اۋدانارالىق اسكەري سوتتىڭ ءتوراعاسى ەربول احمەتجانوۆ، سونداي- اق اقمولا وبلىسى مەن استانا قالاسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتتارىنىڭ ءتوراعالارى ايسۇلۋ جۇماتوۆا مەن نازيليا راززاك سايلاندى.
سوت ءجيۋريىنىڭ جاڭا قۇرامى «100 ناقتىلى قادام» ۇلت جوسپارىن ورىنداۋ ءۇشىن سايلاندى. اتاپ ايتقاندا، 19-شى قادامدا سۋديالاردىڭ ەسەپتىلىگىن كۇشەيتۋ، سۋديالاردىڭ جاڭا ادەپ كودەكسىن ازىرلەۋ كوزدەلگەن. سولاردىڭ نەگىزىندە ازاماتتار جوعارعى سوتتىڭ جانىنان قۇرىلعان سوت جيۋريىنە سۋديالاردىڭ ءىس- ارەكەتتەرىنە شاعىمدانا الادى.
«قازاقستان رەسپۋبليكاسىنىڭ كەيبىر كونستيتۋتسيالىق زاڭدارىنا جوعارى سوت كەڭەسى، سوت جۇيەسى جانە سۋديالاردىڭ مارتەبەسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2015 -جىلعى 4 -جەلتوقسانداعى قازاقستان رەسپۋبليكاسىنىڭ كونستيتۋتسيالىق زاڭىنا ەنگىزىلگەن تۇزەتۋلەرمەن سۋديالاردىڭ كاسىپتىك قىزمەتىنە باعا بەرۋ ايقىندالىپ، سوت ءجيۋريىنىڭ قۇرامى مەن وكىلەتتىكتەرى، سۋديالارعا قاتىستى ماتەريالداردى سوت جيۋريىندە قاراۋدىڭ نەگىزدەرى كورسەتىلدى.
سوت جيۋريى بىلىكتىلىك كوميسسياسىنان جانە تارتىپتىك كوميسسيادان تۇرادى. بىلىكتىلىك كوميسسياسى جەتى مۇشەدەن - وبلىستىق سوتتاردىڭ ەكى سۋدياسىنان، جوعارعى سوتتىڭ ەكى سۋدياسىنان جانە ورنىنان تۇسكەن ءۇش سۋديادان تۇرادى. تارتىپتىك كوميسسيا توعىز مۇشەدەن - اۋداندىق جانە وعان تەڭەستىرىلگەن سوتتاردىڭ ءۇش سۋدياسىنان، وبلىستىق سوتتاردىڭ ءۇش سۋدياسىنان جانە جوعارعى سوتتىڭ ءۇش سۋدياسىنان تۇرادى.
وسىلايشا، سوت ءجيۋريى وعان ۇلت جوسپارىندا كورسەتىلگەن مىندەتتەردى ورىنداۋعا دايىن. بىلىكتىلىك كوميسسياسى جۇمىس ىستەپ جۇرگەن سۋديالاردىڭ كاسىبي قىزمەتىن باعالاۋدى جۇزەگە اسىرادى، تارتىپتىك كوميسسيا - سۋديانىڭ ورنىنان ءتۇسۋ قۇقىعىن راستاۋ، سونداي-اق سۋديالارعا قاتىستى تارتىپتىك ءىس جۇرگىزۋدى قوزعاۋ تۋرالى ماسەلەلەردى قارايتىن بولادى.
