سەمەيدە سىرعاناق سالۋدان باسەكە باستالىپ كەتتى
جەرگىلىكتى كاسىپكەردىڭ ورتالىق ساياباقتا بالالار ءۇشىن سىرعاناق سالىپ بەرگەنى مۇڭ ەكەن، تۇرعىندار شۋلاپ شىعا كەلدى.
سەبەبى كاسىپكەر ونى اقىلى ورىنعا اينالدىرىپ جىبەرسە كەرەك. وسىعان بايلانىستى قالاداعى قوعام بەلسەندىلەرىنىڭ ءبىرى جاسۇلان قۇرمانعاليەۆ اكىمدىك پەن دەمەۋشىلەردىڭ قولداۋىمەن ەكى بىردەي تەگىن سىرعاناق سالۋعا كىرىسىپ كەتتى. الداعى كۇندەرى بالالار مەن ولاردىڭ اتا-انالارى تەگىن سىرعاناپ، دەمالا الادى. وسىمەن ورتالىق ساياباقتا بارلىعى 4 سىرعاناق سەمەيلىكتەردىڭ يگىلىگىنە بەرىلمەك.
جاسۇلان قۇرمانعاليەۆ، قوعام بەلسەندىسى:
- وسى سىرعاناقتاردىڭ باعاسى 340 مىڭ تەڭگەگە شىقتى. نەگىزى باعاسى ودان دا جوعارىراق. ءبىراق ماعان سىرعاناقتى جاساپ جاتقان جەكە كاسىپكەر ءوز اتىنان كىشكەنە سەپتىگىن تيگىزىپ، جەڭىلدىك جاساپ وتىر.
www.24.kz
