گ. ءابدىقالىقوۆا مادەنيەت جانە ونەر قايراتكەرلەرىنە پرەزيدەنتتىك جانە مەملەكەتتىك ستيپەنديالاردى تابىس ەتتى

بۇل تۋرالى اقوردانىڭ باسپا ءسوز قىزمەتىنەن حابارلادى.

ءراسىمدى اشقان مەملەكەتتىك حاتشى قاتىسۋشىلاردى قۇتتىقتاپ، پرەزيدەنتتىك جانە مەملەكەتتىك ستيپەنديالار وتاندىق مادەنيەتتى دامىتۋعا قوسقان ەلەۋلى ۇلەستەرى ءۇشىن بەرىلگەن باعا ەكەنىن اتاپ ءوتتى.

گ. ءابدىقالىقوۆا جالپىۇلتتىق قۇندىلىقتاردى نىعايتۋدىڭ جەتەكشى كۇشى بولىپ سانالاتىن زيالى قاۋىمنىڭ ءرولى تۋرالى ايتقان مەملەكەت باسشىسىنىڭ سوزىنە قاتىسۋشىلار نازارىن اۋداردى. مەملەكەتتىك حاتشى مادەنيەت قايراتكەرلەرىنىڭ يدەيالارى مەن وي- پىكىرلەرى، شىعارمالارى حالىقتىڭ رۋحاني قازىنالارىن، ونىڭ باي ءارى ءتولتۋما ونەرىن ساقتاۋعا جانە ەسەلەۋگە باعىتتالۋى ءتيىس ەكەنىن اتاپ ءوتتى.

ستيپەنديالار قازاقستان رەسپۋبليكاسىنىڭ قۇرمەتتى اتاقتارى مەن مەملەكەتتىك ناگرادالارىن يەلەنگەن مادەنيەت جانە ونەر قايراتكەرلەرىنە مەملەكەتتىك قولداۋ كورسەتۋ ماقساتىندا، سونداي- اق ايرىقشا دارىندى شىعارماشىل جاستارعا قازاقستاننىڭ مادەنيەتىن قالىپتاستىرۋعا، ساقتاۋعا جانە دامىتۋعا قوسقان ۇلەسى ءۇشىن بەرىلەدى.

وتاندىق مادەنيەتتى دامىتۋعا قوسقان ماڭىزدى ۇلەسى ءۇشىن ادەبيەت پەن ونەردىڭ 100 قايراتكەرىنە ستيپەنديا تاعايىندالدى. ستيپەندياعا يە بولعاندار قاتارىندا و. سۇلەيمەنوۆ، م. جولداسبەكوۆ، س. دوسانوۆ، ب. تولەگەنوۆا، ە. حاسانعالييەۆ، ۆ. تولوكوننيكوۆ، ا. ءاشىموۆ، يۋ. پومەرانتسيەۆ، ش. مۇرتازا، ءا. تارازي، ا. مولودوۆ سياقتى مايتالماندار بار.

سونىمەن بىرگە، مەملەكەتتىك قولداۋ ج. ماقاجانوۆا، س. ماديەۆ، ءا. احمەتوۆ، ق. وماروۆا، ە. رىسقالي جانە باسقا دا جاس دارىندارعا كورسەتىلدى.

كەزدەسۋ قازاقستان مادەنيەتى مەن ونەرىن دامىتۋدىڭ وزەكتى ماسەلەلەرىن تالقىلاۋمەن اياقتالدى. مەملەكەتتىك حاتشى ەل تاۋەلسىزدىگىنىڭ 25 جىلدىعى «ماڭگىلىك ەل» جالپى ۇلتتىق پاتريوتتىق يدەياسى نەگىزىندە بولاشاعى ءبىرتۇتاس ۇلت قالىپتاستىرىپ جاتقان قازاقستان حالقىنىڭ يگىلىگىن، ابىرويى مەن ار- ۇجدانىن پاش ەتەتىن تەرەڭ مازمۇندى جاڭا شىعارمالارعا ارقاۋ بولادى دەپ ۇمىتتەنەتىنىن  جەتكىزدى.

الماتىعا جۇمىس ساپارى اياسىندا گ. ءابدىقالىقوۆا قازاقستان جازۋشىلار وداعىنىڭ باسشىلىعىمەن دە كەزدەسىپ، رەسپۋبليكالىق «قازاق ادەبيەتى» گازەتىنىڭ، «جۇلدىز» جانە «پروستور» جۋرنالدارىنىڭ رەداكسيالارىن ارالاپ كوردى.

ەلىمىزدىڭ قالامگەرلەرىمەن اڭگىمەلەسۋ بارىسىندا قازاقستاندا ادەبيەتتى ناسيحاتتاۋ، كوركەمدىگى جوعارى شىعارمالاردى تۋعىزۋ، سونىمەن بىرگە قازاقستاننىڭ رۋحاني- مادەني سالاسىن ودان ءارى دامىتۋدىڭ وزەكتى ماسەلەلەرى تالقىلاندى.

كەزدەسۋ سوڭىندا ق ر مەملەكەتتىك حاتشىسى شىعارماشىل زيالى قاۋىم وكىلدەرىنىڭ «100 ناقتى قادام» ۇلت جوسپارىن ىسكە اسىرۋعا، قازاقستان رەسپۋبليكاسى تاۋەلسىزدىگىنىڭ 25 جىلدىعى اياسىندا وتەتىن مەرەكەلىك ءىس- شارالارعا بەلسەنە قاتىساتىنىنا سەنىم ءبىلدىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى