قىتايداعى قازاق وقۋشىلارى اسىقتىڭ ەڭ الىبىن جاسادى

سولاردىڭ قاتارىندا اسىق ويىنى دا ءوز الىنشە ءناسيحاتتالىپ، ءتۇرلى باسەكەلەر وتكىزىلىپ ءجۇر. جاستاردىڭ قىزىعۋشىلىعى دا ءتاۋىر. ال، قىتايداعى قازاق وقۋشىلارى دا ۇلتتىق ويىننىڭ بۇل ءتۇرىن ۇلىقتاۋدىڭ ۇتىمدى جولىن تاۋىپتى.

ىلە ايماعىنا قاراستى كۇنەس اۋدانىنىڭ 5- ورتا مەكتەبى ۇلتتىق ءداستۇر تاربيەسىن مەكتەپتە وقىتىلاتىن پاندەردىڭ قاتارىنا ەنگىزگەن ءبىلىم ورداسى. ونى تەك ساباق رەتىندە وقىتىپ قانا قويماي، ءداستۇردى ۇرپاق ساناسىنا قۇيۋدى شىنايى ىسپەن ۇشتاستىرا بىلگەن. سونىڭ ءبىر مىسالى - وقۋشىلار قولىمەن جاسالعان الىپ اسىق ءمۇسىنى.

الىپ اسىقتى جاساۋ ءۇشىن كادىمگى كىشكەنە اسىقتاردىڭ 10 مىڭعا جۋىق داناسىن جيناۋعا تۋرا كەلىپتى. وسىنشا اسىقتان جاسالعان ۇلكەن اسىقتىڭ بيىكتىگى 2.6 مەتر، كولدەنەڭى 1.3 مەتر، ەنى 90 سانتيمەتر بولعان. ءمۇسىندى قولونەرگە باۋليتىن مۇعالىمدەرىنىڭ ءجون سىلتەۋىمەن 10 وقۋشى اقىلداسا وتىرىپ جاساپتى. وعان ءبىر اي ۋاقىتتارىن ارناعان. فورماسىن كەلىستى، ءارى نىعىز، ساپالى ەتىپ، ءساتتى جاساپ شىققان اسىق ءمۇسىنى كوپشىلىكتىڭ كوز ايىمىنا اينالىپ، جاقسى باعاسىنا يە بولىپتى.

ودان دا قۋانىشتىسى، مەكتەپ باسشىلىعى عىلىمي تۇردە ءتىزىلىپ، شەبەر تۋىندىعا اينالعان «الىپ اسىقتى» «گيننەس رەكوردتار تىزىمدىگىنە» جولداۋدى ۇيعارىپتى. سوعان وراي، «شاڭحاي دۇنيە گيننەس رەكوردىن باعالاۋ» باس شتابىمەن بايلانىس ورناتىپ، ءتيىستى قۇجاتتارىن جيناۋعا كىرىستى.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى