لوندونداعى بومبادان قورعاناتىن بۋنكەرلەر تۋريستەردى قابىلدايدى

ول ءۇشىن ەكسكۋرسيا جاساۋشىلار Ⅱدۇنيەجۇزىلىك سوعىس كەزىنەن قالعان بۋنكەرلەرگە ءتۇسۋى قاجەت. ءسويتىپ جەر استىنداعى جۇمباق الەمنىڭ جاي-جاپسارىمەن تانىسۋعا مۇمكىندىك الادى، دەپ جازادى 24.kz.

جەرگىلىكتى بيلىكتىڭ ايتۋىنشا، بۇل ادامداردىڭ تانىمىن كەڭەيتەدى ءارى ەكونوميكالىق جاعىنان دا ءتيىمدى كورىنەدى. ءبىر قاراعاندا، ستانسا لوندونداعى مەترو ايالداماسى سەكىلدى بولىپ كورىنۋى مۇمكىن. الايدا ونىڭ استىندا شامامەن 37 مەتر تەرەڭدىكتە بومبادان قورعاناتىن تۋننەل ورنالاسقان.

Ⅱ دۇنيەجۇزىلىك سوعىس كەزىندە قازىلعان بۋنكەرگە كەزىندە 8 مىڭ ادامعا دەيىن سىيعان ەكەن. اپات دابىلى كەلىپ تۇسكەننەن كەيىن لوندوندىقتار بىردەن جەر استىنا تۇسەتىن. ولار مۇندا تەك بيلەت ارقىلى جىبەرىلگەن. تۋننەلدە اسحانا، جاتىن ورىن، ويىن-ساۋىق ورتالىعى مەن ءتىپتى شاعىن اۋرۋحانا دا بولسا كەرەك.

سوعىستان كەيىن بۇل بۋنكەرلەر ۋاقىتشا باسپانا رەتىندە پايدالانۋعا بەرىلگەن. وعان بىركەزدەرى اسكەري قىزمەتكەرلەر دە ورنالاستىرىلدى. تۋننەل قابىرعالارىندا ءالى كۇنگە دەيىن تۇرعىنداردىڭ ەسىمى جازۋلى تۇر. بۇگىن ولاردى كەز كەلگەن ادام ءوز كوزىمەن كورە الادى. لوندون بيلىگى ەكسكۋرسيادان تۇسكەن قاراجاتتى شاھار مەتروسىنىڭ جۇمىسىن جاقسارتۋعا جاراتۋدى كوزدەپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى