داريعا نازاربايەۆا ءال-فارابي اتىنداعى قاز ۇ ۋ- دا ءبىلىم سالاسىنداعى باسەكەگە بايلانىستى تالقىلاۋعا قاتىستى
بۇل تۋرالى وسى وقۋ ورنىنىڭ باسپا ءسوز قىزمەتىنەن حابارلاندى.
كەزدەسۋگە قاتىسۋشىلار قازاقستانداعى جوعارى ءبىلىم مەن عىلىمدى دامىتۋدىڭ پروبلەمالارىن، سونداي- اق سالانىڭ باسەكەگە قابىلەتتىلىگىن ارتتىرۋ بويىنشا الداعى قادامداردى تالقىلادى.
د. نازاربايەۆا وقۋ ورنىنداعى نىساندارمەن تانىسقاننان كەيىن ءوز سوزىندە ءال-فارابي اتىنداعى قازاق ۇلتتىق ۋنيۆەرسيتەتى ەلىمىزدىڭ ماقتانىشى ەكەنىن اتاپ ءوتتى.
«بۇگىندە ءبىز ۇكىمەتتە ءبىلىم جانە عىلىمدى دامىتۋدىڭ 2016-2019 -جىلدارعا ارنالعان مەملەكەتتىك باعدارلاماسىنىڭ جوباسىن تالقىلاۋدامىز. وسى ورايدا سىزدەردەن قانداي پروبلەمالاردى ەسكەرۋ كەرەكتىگىن، مەملەكەتتىك باعدارلامادا قاي باعىتتارعا نازار اۋدارۋ قاجەت جايىندا بىلگىم كەلەدى»، - دەپ توقتالدى ۆيتسە- پرەمەر.
تالقىلاۋلار بارىسىندا ءبىلىم بەرۋ باعدارلامالارىنىڭ تاۋەلسىز حالىقارالىق اككرەديتاتسياسى مەن ماماندار سەتيفيكاتسياسىنىڭ ماسەلەلەرى، سونداي- اق ج و و قوعامداستىعىنىڭ كاسىبي ستاندارتتاردى ازىرلەۋ مەن مەكتەپ وقۋلىقتارىن دايارلاۋعا قاتىسۋى تاقىرىبى قوزعالدى.
قاز ۇ ۋ رەكتورى ع. مۇتانوۆ قازاقستانداعى جوعارى ءبىلىمنىڭ باسەكەگە قابىلەتتىلىگىن ارتتىرۋ، سونىمەن قاتار عىلىم، ءبىلىم جانە ءوندىرىس ينتەگراتسياسىنىڭ جاڭا مودەلىن جۇزەگە اسىرۋ ماسەلەلەرىن كوتەردى.
ونىڭ پايىمىنشا، نازاربايەۆ ۋنيۆەرسيتەتىنىڭ تاجىريبەسىنىڭ ترانسلياتسياسى نەگىزىندە ەلىمىزدىڭ الدىڭعى قاتارلى جوعارى وقۋ ورىندارىنىڭ الەمدىك دەڭگەيدەگى زەرتتەۋ ۋنيۆەرسيتەتتەرىنە ترانسفورماتسياسى باعدارلاماسىن ازىرلەۋ مەن ىسكە اسىرۋ قاجەت.
كەزدەسۋ قورىتىندىسى بويىنشا د. نازاربايەۆا ءبىلىم بەرۋ مەن عىلىمي باعدارلامالاردى بۇدان ارى قاراي جەتىلدىرۋ بويىنشا ءتيىستى تاپسىرمالار بەرىپ، وتاندىق ج و و- لاردى جوعارى جانە ودان كەيىنگى ءبىلىم سالاسىنا بيزنەستى بەلسەندى تارتۋعا شاقىردى.
اۆتور: رۋسلان عابباسوۆ
