قازاقستان سىرتقى ىستەر مينيسترلىگىندە يرانمەن ەكونوميكالىق بايلانىستاردى كۇشەيتۋ بولاشاعى تالقىلاندى
سونىمەن قاتار امەريكا، افريكا جانە ازيا ەلدەرىمەن قارىم- قاتىناستار ق ر سىرتقى ىستەر مينيسترلىگىنىڭ باسشىلىق قۇرامىمەن وتكەن كەزەكتى وتىرىس بارىسىندا تالقىلاندى. بۇل تۋرالى اتالعان ۆەدومستۆونىڭ باسپا ءسوز قىزمەتىنەن حابارلادى.
ۆەدومستۆو باسشىسى ەلىمىزگە شەتەل ينۆەستيتسياسىن تارتۋعا باعىتتالعان ناقتى شارالاردى كۇشەيتۋ، ۇلى جوسپارىن جۇزەگە اسىرۋ اسىندا ەل ەكونوميكاسىندا جۇرگىزىلىپ جاتقان اۋقىمدى وزگەرىستەر جايىندا شەتەلدىك سەرىكتەستەرگە اقپارات بەرۋ، سونىمەن قاتار جايلى ىسكەرلىك احۋالدى قالىپتاستىرۋعا نەگىزدەلگەن شارالار جايىندا اتاپ ءوتتى.
بۇل تۇرعىدا قاڭتاردىڭ 20-23 -كۇندەرى داۆوستا قازاقستان دەلەگاتسياسىنىڭ قاتىسۋىمەن وتەتىن دۇنيەجۇزىلىك ەكونوميكالىق فورۋم ماڭىزدى شارالاردىڭ ءبىرى بولماق. ونىڭ اياسىندا قازاقستان دۇنيەجۇزىلىك بانكپەن بىرلەسىپ، ەلدەگى ىسكەرلىك احۋالدى جەتىلدىرۋگە باعىتتالعان شارالارىن تانىستىراتىن بولادى. تاياۋدا عانا قازاقستان اتالعان بانكتىڭ Doing Business رەيتينگىندە 189 ەلدىڭ اراسىندا 12 تارماققا جوعارىلاپ 41-ورىنعا ورنىققان بولاتىن.
يران يسلام رەسپۋبليكاسىنىڭ حالىقارالىق ۋاعدالاستىققا بايلانىستى ولاردىڭ تارابىنان تۋىنداعان شارتتاردى ورىنداۋىنا وراي سانكتسيالاردىڭ الىنۋىنان قازاقستاندىق بيزنەس ءۇشىن تۋىندايتىن جاڭا مۇمكىنشىلىكتەر دە كەڭىنەن قارالدى. ە. ىدىرىسوۆ اتاپ وتكەندەي: «بۇگىنگى تاڭدا يرانمەن، سونىمەن قاتار ونىڭ ترانزيتتىك الەۋەتىنىڭ اشىلۋىنا بايلانىستى باسقا دا سەرىكتەستەرمەن ءوزارا ءتيىمدى ىنتىماقتاستىقتى كەڭەيتۋدە بارىنشا ءتيىمدى وڭ وزگەرىستەردى پايدالانۋ ماڭىزدى».
ق ر س ءى م باسشىسى اعىمداعى جىلى قازاقستان ەۋرازيالىق ەكونوميكالىق وداققا ءتوراعالىق ەتەتىندىگىن باسا ايتا كەلە، اتالعان وداق اياسىنداعى ينتەگراتسيالىق پروتسەستەردى ودان ارى دامىتۋ ماڭىزدىلىعىن دا ايرىق اتاپ ءوتتى.
سىرتقى ساياساتتى ەكونوميكاعا بەيىمدەۋ ماسەلەلەرىن تالقىلاي كەلە سىرتقى ساياسات ۆەدومستۆونىڭ باسشىلىعى ق ر س ءى م جەلىسى اياسىندا ەلوردادا وتەتىن ەكسپو-2017 حالىقارالىق مامانداندىرىلعان كورمەسىنە دايىندىق ماسەلەلەرىن دە قاراستىردى. وسى رەتتە ق ر سىرتقى ىستەر ءمينيسترىنىڭ ءبىرىنشى ورىنباسارى ەكسپو كوميسسارى ءراپىل جوشىبايەۆ اتاپ وتكەندەي، اعىمداعى جىلى ءۇش ايعا سوزىلاتىن كورمەگە قاتىسۋشىلاردى قامتاماسىز ەتۋگە باعىتتالعان جۇمىستار جالعاسادى. بۇگىندە وعان قاتىساتىندىعىن 67 مەملەكەت پەن 13 حالىقارالىق ۇيىم قۋاتتاپ وتىر.
ە. ىدىرىسوۆ ءوز سوزىندە اعىمداعى جىلى يسلام ىنتىماقتاستىق ۇيىمى مەملەكەت باسشىلارى (ىستامبۇل)، سىرتقى ىستەر مينيسترلەرى (تاشكەنت) كەڭەسىن وتكىزۋ جوسپارلانعانىن اتاپ ءوتتى.
اۆتور: مارلان جيەمباي
