قازاقستان شوۋ- بيزنەسىندەگى ەڭ داۋلى وقيعالار
ال تانىمال ادام ءۇشىن اتاق- ابىروي ەكى ەسە ماڭىزدى.
ولاردىڭ سۇرانىستا بولۋى، تابىستى بولۋى اتاق- ابىرويلارىنا تىكەلەي بايلانىستى.
دەگەنمەن قازاقستاندىق شوۋ-بيزنەس وكىلدەرىنىڭ اراسىندا دا داۋلى وقيعاعا تاپ بولعاندار از ەمەس. Comode باسىلىمى وسىنداي وقيعالاردى ءتىزىپتى.
قايرات تۇنتەكوۆ جاساعان جاساعان كولىك اپاتى
وتاندىق شوۋ- بيزنەستەگى ەڭ داۋلى جۇلدىزدار جايلى اڭگىمە قوزعالعاندا ءبارى ءبىرىنشى كەزەكتە قايرات تۇنتەكوۆتى ەسكە الادى. بۇل بەكەر دە ەمەس، سەبەبى ءانشىنىڭ قاتىسۋىمەن بولعان كولىك اپاتى جۇرتتى دۇرلىكتىرگەن بولاتىن. قايراتتىڭ ارىپتەستەرى جابىرلەنگەن تاراپقا وتەماقى تولەپ بەرۋ ماقساتىندا قاراجات جيناۋدى دا ۇيىمداستىردى. الايدا قايرات وتەماقىنى ءوزى تولەيتىنىن ايتىپ، اقشادان باس تارتتى. دەگەنمەن 2015 -جىلى شىلدەدە قايرات وتەماقى تولەۋ جونىندە سوتتىڭ قاۋلىسىن ورىنداماعانى ءۇشىن ىزدەۋگە تۇسكەنى جاريا بولدى.
ەسكە سالا كەتەيىك، 2012 -جىلى جەلتوقساندا Superstar.kz شوۋىنىڭ جەڭىمپازى قايرات تۇنتەكوۆ Toyota Camry ءاۆتوموبيلىنىڭ تىزگىنىندە الماتىدا Toyota Land Cruiser اۆتوكولىگىمەن سوقتىعىسىپ قالادى. ناتيجەسىندە جول تالعامايتىن كولىكتىڭ يەسى نازيرا ەسەمانوۆا كولىگىنىڭ قاتتى زاقىمدانعانىن ايتىپ، ءانشىنىڭ ۇستىنەن پوليتسياعا شاعىم تۇسىرگەن بولاتىن.
قايرات نۇرتاستىڭ ۆيدەوسى
تاعى ءبىر قايرات، ءبىراق بۇل جولى نۇرتاس، جەلىگە تاراعان ۆيدەونىڭ كەسىرىنەن ءوز ابىرويىنا داق ءتۇسىردى. ۆيدەودا قايرات پىشاق سەرمەپ، بوقاۋىز ءسوز ايتادى. ۆيدەو جەلىگە ءانشىنىڭ تانىمالدىلىعى دۇركىرەپ تۇرعان كەزىندە جۇكتەلدى. ءتىپتى وتاندىق توك-شوۋلاردىڭ بىرىندە وسى ۆيدەو جۇرتشىلىقتىڭ تالقىسىنا دا ءتۇستى. قوناقتاردىڭ ءبىرى جاستىق شاقتا اركىم ىشىمدىك ءىشىپ، قاتەلەسەدى دەپ ءانشىنى اقتاپ العىسى دا كەلدى.
الايدا حالىق ءبارىبىر قايراتتى جاقسى كورەدى، سول سەبەپتى الماتىداعى "پرايم پلازا" ساۋدا ورتالىعىندا بولعان جانجالدى دا كوپشىلىك انشىگە ءان ايتۋعا مۇمكىندىك بەرمەگەن جانكۇيەرلەرگە "جابا سالدى".
پروديۋسەرلەر تارتىسى
جۇلدىزدى داۋ "رينگو" توبىنىڭ پروديۋسەرى الۋا قوناروۆانىڭ سۇحباتىنان كەيىن تۋىندادى. پروديۋسەر جانار دوعالوۆانىڭ Turkvizyon بايقاۋىنداعى جەڭىسى جايلى ۇنامسىز پىكىر ءبىلدىردى. البەتتە، ارىپتەسىنىڭ پىكىرىن بايان ەسەنتايەۆا جاعىمسىز قابىلداپ، ءوزىنىڭ Instagram جەلىسىندەگى پاراقشاسىندا اشىق جازدى.
ءوز كەزەگىندە، الۋا قوناروۆا دا شەت قالماي، بايانعا جاۋاپ جازدى. وندا ول مۇنداي سۇراقتاردى الەۋمەتتىك جەلى ارقىلى ەمەس، تەلەفونمەن شەشۋگە دە بولاتىنىن تيگىزىپ ايتتى. سودان بەرى ەڭ تابىستى پروديۋسەرلەردىڭ اراسى ءبىراز سۋىپ كەتتى.
ءمولدىر اۋەلبەكوۆا جاسىرعان سىر
كوپشىلىكتىڭ سۇيىكتىسى ءمولدىر اۋەلبەكوۆا بۇرىنعى پروديۋسەرىمەن ءدۇرداراز قارىم- قاتىناستا ەكەنى بارىنە ءمالىم. سۇحباتتاردا، الەۋمەتتىك جەلىلەردەگى پاراقشالارىندا ەكەۋى ءبىر-ءبىرى جايلى استارلى پىكىرلەر ايتىپ كەلەدى. قاتال پروديۋسەر بايان ماقسات قىزىنىڭ مىنەزىن ەسكەرىپ، كوپشىلىك تالدىرماش، يبالى قىز ءمولدىردى جاقتادى.
الايدا ءمولدىردىڭ بەيكۇنا بەينەسى وتكەن جىلدىڭ جەلتوقسان ايىندا بۇزىلدى. ءانشىنىڭ ەكس- پروديۋسەرى بايان ءمولدىردىڭ "مەنىڭ جاۋلارىم بار ەكەنىن بىلەمىن" دەگەن تاقىرىپتاعى سۇحباتىن جاريالادى.
ءمولدىردىڭ جانكۇيەرلەرىن باياننىڭ تۇسپالداپ، ءانشىنىڭ راسىندا داۋلى ءبىر ماسەلەنى جاسىرىپ جۇرگەنى جايلى ايتقان پىكىرى دۇرلىكتىردى. "سۇراق كوپ، ال جاۋاپ بىرەۋ- اق، ءمولدىر بولسا بۇل قىزىق سۇراقتىڭ جاۋابىن جاقسى بىلەدى! بالكىم ءوزىڭ جاۋاپ بەرەرسىڭ؟ ايتپەسە بۇل كىنامشىل سۇراققا ءوزىم جاۋاپ بەرۋىمە تۋرا كەلەدى. كەز كەلگەن باتىل مالىمدەمەنى دالەلىمەن مالىمدەۋ كەرەك!" - دەپ جازدى پروديۋسەر.
سپورتشى مەن تىلشىگە قارسى شىققان بەيبىت قورعان
2010 -جىلى قويان- قولتىق ۇرىس سپورت شەبەرلىگىنە ۇمىتكەر ايدار داۋتوۆ ونى قازاقستاندىق تانىمال ءانشى بەيبىت قورعاننىڭ ۇرىپ كەتكەندىگى جايلى مالىمدەدى. ايداردىڭ ايتۋىنشا، جانجال اتىراۋ- الماتى باعىتىنداعى ۇشاق بورتىنداعى ءسوزتالاستان باستالىپ، قونعاننان كەيىنگى جاپپاي توبەلەسپەن اياقتالعان.
سپورتشى وعان بىرنەشە جىگىتتىڭ تاپ بەرگەنىن، ونىڭ ىشىندە تانىمال ءانشىنىڭ دە بولعانىن ايتتى. مالىمدەمە جاساعان كۇنى- اق جابىرلەنگەن سپورتشى مەن "داۋلى" ءانشى جايلى سيۋجەتتى ەلىمىزدىڭ بارلىق تەلەارناسى كورسەتتى.
بەيبىت بولسا، شىن مانىندە ءبارى كەرىسىنشە بولعانىن جانە سپورتشى وسىلايشا ءانشىنىڭ اتاق- ابىرويىنا داق تۇسىرمەك ەكەنىن ايتتى. جانكۇيەرلەر انشىگە سەنگەنى سول- اق ەدى، كوپ ۇزاماي بەيبىتتىڭ قاتىسۋىمەن تاعى ءبىر جانجالدىڭ بەتى اشىلدى. بۇل جولى انشىگە ءتىلشى اينۇر ساپاروۆا شاعىم ءتۇسىردى. ءتىلشىنىڭ ايتۋىنشا، ءانشى جۇلدىز اۋرۋى تۋرالى ادەپسىز سۇراعى ءۇشىن ونى ۇرىپ، گريم جاسايتىن بولمەگە قاماپ قويعان.
سون پاسكالدىڭ يتاليان شىتىرماندارى
يتاليادان كەلگەن ءانشى سون پاسكال كوپشىلىكتىڭ نازارىن بىردەن وزىنە اۋداردى. وزگەشە ستيل، ەرەكشە اندەرىمەن قاتار ءانشى داۋلى قىلىقتارىمەن دە جۇرتتى تاڭعالدىردى.
"ناشا پراۆدا" توك- شوۋىنا قوناق بولىپ كەلگەن سون پاسكال كوپتىڭ كوڭىلىن وزىنە اۋدارتىپ، قىرسىق مىنەزىن كورسەتتى. ستۋديادا وتىرعان بايان ەسەنتايەۆا وعان ەسكەرتۋ جاساعان ساتتە ءانشى اشۋعا ەرىك بەرىپ، ءوزىن جۇلدىزبىن دەپ جار سالدى. قىسقا ءسوزتالاستان كەيىن توك- شوۋ جۇرگىزۋشىسى الەكسەي شاحماتوۆ پاسكالدى ستۋديادان شىعارىپ جىبەرۋگە ءماجبۇر بولدى.
ءتىسى قىشىعان جادىرا قۇتپانوۆا
"داۋىس International" توبىنىڭ ەكس- مۇشەسى جادىرا قۇتپانوۆا 2012 -جىلى تەرىس قىلىق كورسەتتى. ءانشى ىشىمدىككە ماس كۇيىندە كولىكتى باسقارعان جەرىنەن ۇستالدى. ءانشى قۇقىق قورعاۋ ورگاندارى قىزمەتكەرلەرىنە قوقان- لوقى كورسەتىپ، ءتىپتى بىرەۋىن تىستەپ العان. ءانشىنىڭ ارىپتەستەرى قۇربىسىن اقتاپ الۋعا تىرىسىپ، داۋلى ۆيدەونى تاراتپاۋدى ءوتىندى.
اڭقاۋ اسەل ءسادۋاقاسوۆا
"داۋىس International" توبىنىڭ تاعى ءبىر مۇشەسى اسەل ءسادۋاقاسوۆا دا داۋلى وقيعالاردىڭ ورتاسىندا جۇرەتىندەردىڭ قاتارىندا. ءبىر جىلدارى WhatsApp مەسسەندجەرى ارقىلى اسەل ءسادۋاقاسوۆاعا ۇقساس قىزدىڭ جالاڭاش سۋرەتى تارادى. سۋرەتتەگى قىزدىڭ اسەل ءسادۋاقاسوۆاعا قاتتى ۇقسايتىندىعى جايلى تالقىلاماعان جۇرت قالمادى. ءانشى باستاپقىدا سۋرەتتى تاراتۋشىلاردى سوتقا بەرۋگە نيەتتەندى، الايدا بۇل ويىنان قايتىپ، الەۋمەتتىك جەلىدەگى پاراقشاسىندا مالىمدەمە جاساۋمەن عانا شەكتەلدى. ءانشى سۋرەتتەگى قىزدىڭ باسقا بىرەۋ ەكەنىن عانا ايتتى.
بۇل وقيعامەن قاتار، اسەل ءسادۋاقاسوۆا اناسى ەكەۋى جىگىتىنىڭ قۇربانى بولعانى ءمالىم. ءانشىنىڭ بۇرىنعى جىگىتى قىزدىڭ سەنىمىنە كىرىپ، الاياقتىق جولمەن ءوز يەلىگىنە ەكى پاتەرىن جازعىزىپ، جوعالىپ كەتكەن.
kaz.tengrinews.kz
