قىتاي ازاماتى ماشينا الۋ ءۇشىن ءبىر ماشينا اقشا جيناعان

جيناعان اقشاسىن جۇك كولىگىنە تيەگەندە، جارتى توننا سالماق تارتقان. بۇل تۋرالى قىتايدىڭ «شالقار» سايتى حابارلادى.

سايتتىڭ جازۋىنشا، 11 -قاڭتار كۇنى تۇستەن كەيىن گان-جان قالاسىنىڭ تۇرعىنى اقشا تيەلگەن جۇك ماشيناسىمەن كولىك سالونىنا بارىپ، ءوزىنىڭ جەڭىل اۆتوكولىك ساتىپ الاتىنىن ايتقان. بۇل اقشانى كورگەن سالونداعىلار اڭ- اڭ بولعان.

ماشينا ساتۋ ورتالىعىنىڭ باسشىسى گۋاڭ يۋان مىرزا بىرنەشە قىزمەتكەرىن كومەككە شاقىرىپ، اقشانى ساناي باستايدى. اقشا جەكە-جەكە بۋمالارعا ورالعان ەكەن. ولاردىڭ ىشىندە 10, 20, 50 تيىندىق اقشالارمەن قاتار، ەڭ ۇلكەن سوماداعى بانكوتا 1 يۋان بولعان. بۇدان باسقا ءتۇرلى نومينالدى ۇساق باقىر اقشالار دا بولعان. تەك ۇساق تيىنداردىڭ ءوزى 80 مىڭ يۋاندى قۇراعان.

اقشانىڭ كوپتىگى سونشا، ونى ساناپ جاتقاندا سالوننىڭ ءىشىن اقشانىڭ ءيسى الىپ كەتكەن.

قازاقستاننىڭ ۇلتتىق ۆاليۋتاسىندا بار نومينالدارمەن ەسەپتەسەك، بۇل جاعداي 15 مىڭ دوللار كولەمىندەگى اقشانى 50 تەڭگەلىك مونەتالارمەن جيناعانمەن تەڭ.

«قامشى» سىلتەيدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى