وركەنيەتتىڭ وزەگى - سانانىڭ تازالىعى

بۇل ماقالا وتكەن جىلدىڭ مامىر ايىندا جاريالانعان «5 ينستيتۋتتىق رەفورما: 100 ناقتى قادام» جانە سوڭعى جولداۋدىڭ زاڭدى جالعاسى.

 مەملەكەت باسشىسى ماقالانىڭ «مەملەكەتتى كاسىبيلەندىرۋ» اتتى تاراۋىندا ءوزىنىڭ جارلىعىمەن مەملەكەتتىك قىزمەت ىستەرى جونىندەگى مينيسترلىك ومىرگە كەلىپ، ونىڭ قۇرىلىمىندا جەمقورلىققا قارسى ءىس- قيمىلدىڭ ۇلتتىق بيۋروسى قۇرىلعانىن ايتتى. وندا ەلباسى: «...مەملەكەتتىك قىزمەت جۇيەسى عانا ەمەس، سونداي- اق، جەمقورلىققا قارسى ءىس- قيمىل تانىتاتىن، ياعني جەمقورلىق كورىنىستەرىنىڭ بارىنشا الدىن الۋعا باعدارلانعان جۇيە دە جاڭعىرتىلىپ وتىر»، - دەدى. بۇدان شىعاتىن قورىتىندى- مەملەكەت باسشىسى جەمقورلىققا قارسى ءىس- قيمىلدىڭ توقتامايتىنىن ءتۇسىندىردى، كەرىسىنشە، ونىڭ پارمەنى كۇشەيە تۇسپەك. وسى قيمىلعا وراي، جەمقورلىقپەن كۇرەستىڭ ءوزى بارىنشا دايەكتى بولا تۇسەدى جانە جۇيەلى سيپاتقا يە بولادى. حالىقارالىق ستاندارتقا باعىتتالعان بۇل ۇستانىمنىڭ ءوز ناتيجەسىن بەرەرى ءسوزسىز. بۇل ورايدا سانا تازالىعى مەن ونىڭ ساۋاتتىلىعى دا ەرەكشە ءرول اتقارماق. ول ءوز ناتيجەسىن بەرگەندە، ХХІ عاسىردىڭ ورتاسىنا قاراي قازاقستان الەمدەگى اسا دامىعان 30 ەلدىڭ قاتارىنا قوسىلاتىنى داۋسىز بولماق. ءبىزدىڭ سەنىمىمىز نىق. سەنىم العا جەتەلەيدى. ەلباسى ماقالاسىندا ايتىلعانداي، ءبىزدىڭ تابىسىمىز- بىرلىكتە. بىرلىگىمىزدى بەكەمدەپ، سەنىمىمىزگە سەلكەۋ تۇسىرمەگەندە عانا ءبىز ماڭگىلىك ەل يدەياسىن كەدەرگىسىز جۇزەگە اسىرا الامىز.

دۇيسەنبەك نۇربالتايەۆ، «نۇر وتان» پارتياسىنىڭ تالاس اۋداندىق فيليالى جانىنداعى سىبايلاس جەمقورلىققا قارسى ءىس-قيمىل جونىندەگى قوعامدىق كەڭەستىڭ ءتوراعاسى

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى