بۇكىل الەمدىك بوكس سەرياسىنىڭ جارىستارى تىكەلەي ەفيردە كورسەتىلەدى
وعان Astana Arlans كومانداسىنىڭ سپورتشىلارى قاتىسادى.
العاشقى جەكپە-جەك قاراعاندىدا 23- قاڭتاردا ساعات 18:00 دە Azerbaijan Baku Fires وتەدى.
«حابار» كوماندانىڭ رەسمي اقپاراتتىق سەرىكتەسى جانە جەكپە-جەكتەردى ەفيردە، سونىمەن قاتار www.khabar.kz سايتىندا ونلاين رەجىمىندە كورسەتەتىن بولادى.
اگەنتتىكتىڭ سپورت ترانسلياتسيالارى پروديۋسەرى اسقات جاقايەۆتىڭ ايتۋىنشا: «حابار» قازاقستاندىق سپورتتىڭ دامۋىن ۇنەمى باقىلاپ وتىرادى، ءبىز ءۇشىن ءدال ءبىزدىڭ كوماندالاردى قولداۋ ماڭىزدى. ءبىز قازاقستاندىق كورەرمەندەردىڭ سپورت قاھارماندارىنىڭ ءتۇرىن بىلگەندىگىن جانە ولار ءۇشىن جانكۇيەر بولۋ مۇمكىندىگى بولعانىن قالاعان بولار ەدىك.
«حابار» تەلەارناسى ۇزاق جىلدار بويى بۇكىل الەمدىك بوكس سەرياسىنىڭ حوست-حابار تاراتۋشىسى بولىپ تابىلادى. بۇل - قازاقستاندىق بوكس قۇمارلار ۇناتقان بەدەلدى تۋرنير. «استانا ارلاندارى» ەلىمىزدىڭ ەڭ ناتيجەلى سپورت جوباسى بولىپ ەسەپتەلەدى، ولار ەكى رەت ولجا يەگەرى اتاندى. 6- ماۋسىمدا «ارلاندار» وتكەن جىلدىڭ ناتيجەسىن قايتالايدى دەپ سەنەمىز!».
وسى جىلى بۇكىل الەمدىك بوكس سەرياسى قازاقستاندا ءوز گەوگرافياسىن كەڭەيتتى - جەكپە-جەكتەر پەتروپاۆلدا جانە وسكەمەندە العاش رەت وتكەلى وتىر.
WSB التىنشى ماۋسىمىندا 16 كلۋب قاتىسادى. سەريانى ەكى رەت جەڭگەن Astana Arlans چەمپيونى وسى جىلى 30 كۇشتى بوكسشىنى شىعاردى. قازاقستاندىق كوماندانىڭ اعا جاتتىقتىرۋشىسى نۇرلان اقۇرپەكوۆتىڭ ايتۋىنشا، وسى ماۋسىمنىڭ ماقساتى - تاعى دا جۇلدەلى ورىنداردى يەلەنۋ.
2016-جىلدىڭ ماۋسىمىندا بۇكىل الەمدىك بوكس سەرياسىندا قازاقستان تۋىن 49 كەلى سالماق ساناتىندا تەمىرتاس ءجۇسىپوۆ، ماردان بەرىكبايەۆ جانە جومارت ەرجان، 52 كەلىدە ولجاس ساتتىبايەۆ، ازات ماحمەتوۆ، ميراس جاقىپوۆ قورعايتىن بولادى. مەيىربولات تويتوۆ، نۇرسۇلتان قوسشىعۇلوۆ جانە نۇربول قالجانوۆ 56 كەلى ساناتىندا، 60 كەلى ساناتىندا زاكير سافيۋللين، ەرجان ءمۇساپىروۆ جانە بەكداۋلەت يبراگيموۆ، ال 64 كەلى ساناتىندا سامات باشەنوۆ، اسحات ءۋاليحانوۆ پەن سابىرجان بەكبەرگەنوۆ ونەر كورسەتەتىن بولادى.
كلۋبتىڭ اتىنان اسلان شىمبەرگەنوۆ، قاناعات مارالوۆ جانە بەكزات حالمەتوۆ - 69، مەيىرىم نۇرسۇلتانوۆ، رۋستام سۆايەۆ جانە ەرىك ءالجانوۆ - 75 كەلى سالماق ساناتىندا، نۇرداۋلەت جارمانوۆ، الي احمەدوۆ، ارمان رىسبەك 81 كەلىگە دەيىنگى، مۇحامەدجان ەركىن جانە راحمان ءالجانوۆ - 91 كەلىگە دەيىنگى سالماقتا، ال قامشىبەك قوڭقابايەۆ، نۇرجان بەكزاتوۆ جانە نۇرسۇلتان امانجولوۆ 91 كەلىدەن جوعارى سالماقتا شىعاتىن بولادى.
جارىس فاۆوريتتەرى تىزىمىندە رەسەي، كۋبا جانە ۋكراينا كلۋبتارى بار، سونداي-اق وسى جىلى ۇلى بريتانيانىڭ كومانداسى رينگكە قايتا ورالدى.
قالعان ماتچتار كەستە بويىنشا وتەتىن بولادى:
كوماندالار
7- اقپان
Puerto Rico Hurricanes - Astana Arlans
26- اقپان
Uzbek tigers - Astana Arlans
4- ناۋرىز
Azerbaijan Baku Fires - Astana Arlans
19- ناۋرىز
Astana Arlans - Puerto Rico Hurricanes
2- ءساۋىر
Astana Arlans - Uzbek tigers
بۇكىل الەمدىك بوكس سەرياسى (World Series Boxing) - 2010-جىلى قۇرىلعان جانە AIBA (حالىقارالىق اۋەسقوي بوكس قاۋىمداستىعى) بولىگى بولىپ تابىلاتىن حالىقارالىق بوكسشىلار ليگاسى. بەسىنشى ماۋسىمدا باس-اياعى 114 ماتچ وتكىزىلدى.
2010-جىلى «استانا ارلاندارى» قۇرىلدى، ول - العاشقى ماۋسىمىنان بەرى WSB قاتىسۋشىسى، ءۇشىنشى جانە بەسىنشى ماۋسىمداردىڭ ليگا چەمپيونى. «استانا ارلاندارى» كلۋبىنىڭ باس ديرەكتورى - سەرىك ساپيەۆ.
