اقمولالىق بالۋان ەركىن كۇرەستەن قازاقستان چەمپيونى اتاندى

ەسكە سالا كەتسەك، وسى كۇندەرى تاراز قالاسىندا 1998-جىلى تۋعان جانە ودان جوعارى جاستاعى سپورتشىلار اراسىندا قازاق، ەركىن جانە گرەك-ريم كۇرەسىنەن ەل چەمپيوناتى وتۋدە.

وعان ەلىمىزدىڭ ءار وڭىرىنەن جينالعان 500 دەن استام سپورتشى قاتىسۋدا. جارىسقا يران، وڭتۇستىك كورەيا، يتاليا، موڭعوليا جانە بەلارۋس ەلىنەن كەلگەن حالىقارالىق دەڭگەيدەگى تورەشىلەر تورەلىك ەتۋدە.

وسىناۋ جارىستا ەركىن كۇرەس بويىنشا 61 كەلى سالماقتا بوز كىلەمگە شىققان اقمولالىق باتۋحان شىراقپايەۆ التىن مەدالعا قول جەتكىزدى.

ۇيىمداستىرۋشىلاردىڭ ايتۋىنشا، ەل چەمپيوناتىندا توپ جارعاندار 2016-جىلى وتەتىن وليمپيادا ەل نامىسىن قورعاماق.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى