ق ر س ءى م بۋركينا- فاسوداعى لاڭكەستىك ارەكەتكە قاتىستى مالىمدەمە جاسادى
«قازاقستان رەسپۋبليكاسى 2016 -جىلعى 16- قاڭتاردا بۋركينا- فاسو استاناسى ۋاگادۋگۋ قالاسىندا ورىن العان جانە ناتيجەسىندە ونداعان جازىقسىز ازاماتتىڭ ءومىرىن قيعان لاڭكەستىك ارەكەتتى قاتاڭ جانە ءسوزسىز تۇردە سىنايدى.
بۋركينا فاسو بيلىگىن تولىعىمەن قولداي وتىرىپ، قازاقستان مەملەكەت پەن ءوڭىردىڭ لاڭكەستىككە قارسى كۇرەس ارەكەتتەرىنە نيەتتەستىگىن بىلدىرەدى»، دەلىنگەن حابارلامادا.
ارى قاراي مالىمدەمەدە لاڭكەستىك سالدارىنان قازا بولعانداردىڭ تۋىستارى مەن جاقىندارىنا كوڭىل ايتىلعان.
«الەم بويىنشا لاڭكەستەردىڭ قىلمىستىق ارەكەتتەرىنىڭ بەلسەندى بولا ءتۇسۋى اياسىندا، اتالعان قۇبىلىسپەن تاباندى كۇرەستە حالىقارالىق قاۋىمداستىق كۇشتەرىنىڭ بىرىگۋىنە جانە ب ۇ ۇ قاراماعىندا جاھاندىق لاڭكەستتىككە قارسى جەلى قۇرۋعا شاقىرامىز»، - دەلىنگەن مالىمدەمەدە.
