نوۋتبۋك ساتىپ العان دۇرىس پا، الدە ستاتسيونارلى كومپيۋتەر پايدالى ما؟
بۇل رەتتە ايتا كەتەتىن كەڭەس، ەكەۋىنىڭ دە مۇمكىندىكتەرىنىڭ ءبىر بولعاندىعىنا قاراماستان، ستاتسينارلىق كومپيۋتەردىڭ باعاسى ادەتتە نوۋتبۋكتىكىنەن ايتارلىقتاي ارزان. سوندىقتان، كومپيۋتەردى قوياتىن جايلى ورىن بولسا، ستاتسيونارلىق كومپيۋتەردى- اق ساتىپ العان دۇرىس.
ستاتسيونارلىق كومپتەردىڭ تاعى ءبىر ەرەكشەلىگى ونى جوندەۋمەن بايلانىستى. ياعني بۇل كومپيۋتەردىڭ ىستەن شىققان بولشەكتەرىن بىردەن اۋىستىرىپ، جوندەتىپ الۋعا بولادى.
دەگەنمەن، ستاتسينارلىق كومپيۋتەردىڭ وزىندىك كەمشىلىكتەرى دە بار. مىسالى: ول وتە ۇلكەن جانە ونى تۇرعان ورنىنان وزگە جەردە قولدانۋ وتە قيىن. سونداي- اق ونى ءتيىمدى پايدالانا الۋ ءۇشىن وعان قوسىمشا قۇرىلعىلار ساتىپ الۋ قاجەت. ايتالىق: ينتەرنەتكە قوسىلۋ ءۇشىن روۋتەر، ماتەريالداردى كورىپ، تىڭداۋ ءۇشىن ميكروفون، ۆەبكامەرا، كولونكالار قاجەت.
نوۋتبۋككە كەلەتىن بولساق، ونىڭ باستى ارتىقشىلىعى كولەمىنىڭ شاعىندىعى مەن ارنايى ورناتىلعان اككۋمۋلياتورىندا. ستاتسيونارلىق كومپيۋتەردى ورناتاتىن مۇمكىندىك بولماعان جاعدايدا نوۋتبۋكتى پايدالانۋعا بولادى جانە ونى كەز كەلگەن جەردە قولدانا الاسىز. ءتىپتى ونى وزىڭمەن بىرگە ساياحاتقا الىپ شىعۋعا دا بولادى. سونداي- اق، ستاتسيونارلىق كومپيۋتەر ءۇشىن ساتىپ الىنۋى قاجەت ۆەب- كامەرا، ميكروفون، كولونكالار سياقتى قۇرىلعىلار نوۋتبۋكتە ورناتىلعان، ياعني ونىمەن بىرگە بولادى. وعان ينتەرنەتكە قوسىلاتىن قۇرىلعى الۋدىڭ دا قاجەتى جوق. ونىڭ ۇستىنە نوۋتبۋكتەردىڭ قولدان جاسالعانى بولمايدى، ول تەك زاۋىتتا عانا دايىندالادى.
نوۋتبۋكتىڭ كەمشىلىكتەرىنە كەلەتىن بولساق، ونىڭ جۇمىس ونىمدىلىگى ستاتسيونارلىق كومپيۋتەرگە قاراعاندا تومەندەۋ، الايدا، باعاسى قىمبات جانە ونى جوندەۋ دە قيىن. قوسىمشا بولشەكتەر جالعاۋعا بولمايدى.
سوندىقتان، ءسىز وسى ەكەۋىنىڭ ءبىرىن ساتىپ العىڭىز كەلسە، وتباسى مۇشەلەرىنىڭ ۇيدە پايدالانۋىنا، ءتۇرلى ويىندار ويناۋعا ستاتسيونارلىق كومپيۋتەر ءتيىمدى. ال، جۇمىس ىستەيتىن ادامدار ءۇشىن ونىمدىلىگى تومەن بولعانىمەن الىپ جۇرۋگە، ءارى كەز- كەلگەن جەردە پايدالانۋعا ىڭعايلى نوۋتبۋك العان دۇرىس.
«قازاقستان» ارناسى
