قازاق ەلى تۋرالى شىمكەنتتىك مۋلتفيلم الەم ماماندارىنىڭ تاڭدايىن قاقتىردى - فوتو، كەسكىن
«قازاق ەلى» ءمۋلتفيلمىنىڭ ترەيلەرى كان فەستيۆالىندە تانىستىرىلدى. اۆتورلاردىڭ ايتۋىنشا، فيلم رەسەي، گەرمانيا، ا ق ش جانە ءباا ماماندارىنىڭ قىزىعۋشىلىعىن تۋدىردى. قازىر مۋلتفيلم ورىس، اعىلشىن جانە نەمىس تىلدەرىنە اۋدارىلىپ جاتىر.
ايتا كەتۋ كەرەك، «قازاق ەلى» تاريحي مۋلتفيلمى تۇڭعىش رەت شىمكەنتتە ءتۇسىرىلىپ، قازاق حاندىعىنىڭ 550 جىلدىعىنا ارنالعان بولاتىن. «ساق» كينوستۋدياسى مۋلتفيلمدى ءتۇسىرۋ ءۇشىن 2D جانە 3D- تەحنولوگياسىن پايدالانعان.
رەسەي، ا ق ش جانە ەۋروپانىڭ بىرنەشە ەلى مۋلتفيلمدى كەلەر جىلدىڭ قاڭتارىندا كورسەتۋدى جوسپارلاپ وتىر. مۇنى «قازاق ەلى» مۋلتفيلمىنىڭ ترەيلەرىن كان فەستيۆالىندە كورسەتكەن Тamed reality كومپانياسىنىڭ ديستريبيۋتورلارى حابارلادى.
