قايرات نۇرتاس كەشىندە ءان سالعان شەتەلدىك جۇلدىزدارعا قانشا اقشا تولەگەن؟

باعدارلاما بارىسىندا وزگە دە قازاقستاندىق جۇلدىزداردىڭ تابىسى قانشا ەكەنى جاريالانعان. ءبىر بەينەبايانىنىڭ قۇنى 30 مىڭ ا ق ش دوللارىن قۇراعان سەرىك يبراگيموۆ «نەگىزگى تابىستى قازاقتىڭ تويىنان تابامىن« دەيدى.

«فوربس» جۋرنالى مەن «مۋززون» تەلەارناسى بىرىگىپ وتكەن جىلدىڭ قالتاسى قالىڭ انشىلەرىنىڭ ءتىزىمىن تۇزگەن. ازىرگە ەڭبەكقور ءارى ەلدىڭ سۇيىكتى ءانشىسى قايرات نۇرتاس بىرنەشە جىل قاتارىنان تابىسى ورتايماعان جۇلدىزدار كوشىن باستاپ كەلەدى. ول بىلتىر 2,5 ميلليون دوللار تابىس تاپقان. انشىگە اقشا كونسەرتتەرى مەن حالىق ءارتىسى ماقپال جۇنىسوۆامەن وتكىزگەن كەشىنەن ءتۇسىپتى.

الماتى قالالىق مەملەكەتتىك كىرىستەر دەپارتامەنتىنىڭ قىزمەتكەرى ەدىل سەرىك ۇلى، قايراتتىڭ كونسەرتىندە ءان سالعانى ءۇشىن تيماتي، نيۋشا سىندى جۇلدىزدارعا تولەگەن اقشاسى 89 ميلليون تەڭگەنى قۇراعانىن جاريا ەتتى.

قاپ- قاپ قارجى تابۋدان بايان ەسەنتايەۆا دا قالىسار ەمەس. ونىڭ جىلدىق كىرىسى 1 ميلليون دوللار ەكەن. اتاقتى پروديۋسەر تەك «كەشيۋ» توبىنىڭ وزىنەن 500 مىڭ دوللاردى قالتاسىنا باسادى.

«ماريا ماگدالەنانىڭ» ارقاسىندا تانىلعان اسحات تارعىن 960 مىڭ دوللارعا بايىسا، قىتايدىڭ وزىندە 12 كونسەرت بەرىپ قايتقان ايقىننىڭ كىرىسى - 600 مىڭ ا ق ش دوللارعا جەتكەن. ايتپاقشى، ايقىن سالىقتان دا جالتارمايدى ەكەن.

«ارينە تولەيمىن. اي سايىن ەمەس، يپ بار. سودان وتكەن اقشادان سالىق تولەپ تۇرامىز»، -  دەيدى ءانشى.

باي ارتىستەردىڭ ءتىزىمىن 2015 -جىلى 300 مىڭ دوللار تابىس تاپقان سەرىك يبراگيموۆ، ماقپال يسابەكوۆا، ءالي وقاپوۆتار قورىتىندىلايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى