قازاقستاندا پسيحياتريالىق ۇيىمداردىڭ قىزمەتى تۋرالى ەرەجەسىنە وزگەرىستەر ەنگىزىلدى
«قازاقپارات» ح ا ا بۇيرىقتىڭ تولىق ءماتىنىن ۇسىنادى.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى №852
2015 -جىلعى 4 -قاراشا استانا قالاسى
«قازاقستان رەسپۋبليكاسىنداعى پسيحياتريالىق ۇيىمداردىڭ قىزمەتى تۋرالى ەرەجەنى بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2011 -جىلعى 6 -قاڭتارداعى № 15 -بۇيرىعىنا وزگەرىستەر ەنگىزۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 -جىلعى 18 -قىركۇيەكتەگى كودەكسىنىڭ 32-بابىنىڭ 3-تارماعىنا سايكەس بۇيىرامىن:
1. «قازاقستان رەسپۋبليكاسىنداعى پسيحياتريالىق ۇيىمداردىڭ قىزمەتى تۋرالى ەرەجەنى بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2011 -جىلعى 6 -قاڭتارداعى №15 -بۇيرىعىنا (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 6776 بولىپ تىركەلگەن) مىناداي وزگەرىستەر ەنگىزىلسىن:
كورسەتىلگەن بۇيرىقپەن بەكىتىلگەن قازاقستان رەسپۋبليكاسىنداعى پسيحياتريالىق ۇيىمداردىڭ قىزمەتى تۋرالى ەرەجەسىنە مىناداي وزگەرىستەر ەنگىزىلسىن:
11-تارماقتىڭ 1) جانە 2) تارماقشالارى مىناداي رەداكسيادا جازىلسىن:
1) مىندەتتى بولىمشەلەردەن باسقا، پسيحياتريالىق اۋرۋحانالارعا:
ستاتسيونارلىق كلينيكالىق بولىمشەلەر: جالپى پسيحياتريالىق، پسيحوتەراپيالىق، پسيحوسوماتيكالىق، گەرونتولوگيالىق، بالالار، مامانداندىرىلعان (پسيحوتۋبەركۋلەزدى)، سوت- پسيحياتريالىق ساراپتاماسى بولىمشەسى، ماجبۇرلەپ ەمدەۋگە ارنالعان بولىمشە؛
قارقىندى تەراپيا پالاتاسى؛ ەمدەۋ- ەڭبەك شەبەرحاناسى؛ امبۋلاتوريالىق- ەمحانالىق بولىمشە؛
وڭىرلىك قاجەتتىلىگىنە قاراي امبۋلاتوريالىق- پسيحياتريالىق ساراپتاما ءبولىمى (بولىمشەسى)؛
ستاسيوناردى الماستىراتىن بولىمشەلەر: كۇندىزگى ستاسيونار، تۇنگى ستاسيونارلار، مۋلتيتارتىپتىك بريگادالار؛
ۇيىمداستىرۋ- ادىستەمەلىك نەمەسە ستاتيستيكالىق ءبولىم (كابينەت)؛
جەدەل مامانداندىرىلعان پسيحياتريالىق كومەك كىرەدى.
2) مىندەتتى بولىمشەلەردەن باسقا، پسيحياتريالىق (پسيحونيەۆرولوگيالىق) ديسپانسەرلەرگە:
امبۋلاتوريالىق- ەمحانالىق بولىمشە؛
ستاتسيوناردى الماستىراتىن بولىمشەلەر: كۇندىزگى ستاسيونارلار، تۇنگى ستاسيونارلار، مۋلتيتارتىپتىك بريگادالار؛
امبۋلاتوريالىق- پسيحياتريالىق ساراپتاما ءبولىمى (بولىمشەسى)، وڭىرلىك قاجەتتىلىگىنە قاراي؛
ماجبۇرلەپ ەمدەۋگە ارنالعان بولىمشە؛
ۇيىمداستىرۋ- ادىستەمەلىك نەمەسە ستاتيستيكالىق ءبولىم (كابينەت)؛
وڭىرلىك قاجەتتىلىگىنە قاراي جەدەل مامانداندىرىلعان پسيحياتريالىق كومەك كىرەدى؛»؛
16-تارماقتىڭ 5) تارماقشاسى مىناداي رەداكسيادا جازىلسىن:
«5) بەسىنشى توپ (بەلسەندى ديناميكالىق بايقاۋ توبى) - الەۋمەتتىك- قاۋىپتى ارەكەتتەرگە بەيىم، ونىڭ ىشىندە كامەلەتتىك جاسقا تولماعاندارعا قاتىستى سەكسۋالدىق سيپاتتاعى زورلىق ارەكەتتەرىن جاساۋ قاۋپى بار پاتسيەنتتەر، سونداي-اق جوعارى سۋيتسيدتىك قاۋىپتەرى بار ادامدار. قاراپ- تەكسەرۋ جيىلىگى اي سايىن (كورسەتىلىمدەرى بولعان جاعدايدا - ءجيى).».
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى؛
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇننىڭ ىشىندە مەرزىمدىك باسپا ءسوز باسىلىمدارىندا جانە «ادىلەت» اقپاراتتىق- قۇقىقتىق جۇيەسىندە رەسمي جاريالاۋعا جىبەرۋدى؛
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت- رەسۋرسىندا ورنالاستىرۋدى؛
4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنىنىڭ ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1)، 2) جانە 3) تارماقشالارىندا كوزدەلگەن ءىس- شارالاردىڭ ورىندالۋى تۋرالى مالىمەتتى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا. ۆ. تسويعا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت. دۇيسەنوۆا.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 -جىلعى 10 -جەلتوقسانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12379 بولىپ ەنگىزىلدى.
