تۇركىمەنستاندا تەمەكى ساتۋعا تىيىم سالىندى
سونداي- اق ەلدە تولىقتاي تەمەكى ساتۋعا تىيىم سالدى، دەپ جازادى bbc.
Chrono-TM پورتالىنىڭ مالىمەتىنە سۇيەنسەك، تەمەكى ساتۋمەن اينالىسقاندارعا 1,7 مىڭ دوللار ايىپپۇل سالىنادى. bbc حابارلاعانداي، تۇركىمەنستان دۇڭگىرشەكتەرىندە شىنىمەن دە تەمەكى قالماعان. ال Chrono-TM بولسا، ءبىر قوراپ تەمەكى قارا بازاردا 12 دوللارعا دەيىن باراتىنىن حابارلادى.
فرانس- پرەسس جازعانداي، 5 -قاڭتاردا تەلەديداردان كورسەتىلگەن ۇكىمەت وتىرىسىنان كەيىن دۇكەندەر مەن دۇڭگىرشەكتەردىڭ يەلەرى تەمەكىنى تەك جاقىن تانىستارىنا عانا ساتا باستاعان. وتىرىس كەزىندە پرەزيدەنت گۋربانگۋلى بەردىمۋحاممەدوۆ دەنى ساۋ قوعام جانە قاۋىپسىزدىكتى قورعاۋ مەملەكەتتىڭ قىزمەتىنىڭ جۇمىسىن سىنعا الىپ، تەمەكىمەن كۇرەسۋدە تالاپ كۇشەيتۋگە شاقىرعان بولاتىن. وسىدان كەيىن تەمەكى ورتەۋ شاراسى باستالدى. سونداي-اق دۇكەندەردە دە تەكسەرىس جۇرگىزىلۋدە. پرەزيدەنتتىڭ ءوزى دارىگەر- دانتيست بولعان. ب ا ق- تىڭ حابارلاۋىنشا، سالاۋاتتى ءومىر سالتىن بەرىك ۇستانعان.
2011 -جىلى تاباكقا اكسيز سالىعى ءوسىرىلدى، ال 2013 -جىلى قوعامدىق ورىنداردا تەمەكى شەگۋگە تىيىم سالىنعان بولاتىن.
دۇنيەجۇزىلىك دەنساۋلىق ساقتاۋ ۇيىمىنىڭ مالىمەتتەرىنە سايكەس، تۇركىمەنستان تەمەكى از شەگەتىن ەلدەر قاتارىندا. سونداي-اق ەلدە تەمەكى باعاسى دا اناعۇرلىم قىمبات بولىپ كەلەدى.
